വാടാനപ്പള്ളി: തീവ്രവാദം ഇസ്‌ലാമിന് അന്യമാണെന്നും മുസ്‌ലിംകള്‍ സമാധാനത്തിന്റേയും ശാന്തിയുടെയും വക്താക്കളാണെന്നും സമസ്ത മുഫത്തിശ് ഉസ്മാന്‍ ഫൈസി അഭിപ്രായപ്പെട്ടു. വാടാനപ്പള്ളി റെയ്ഞ്ച് ജംഇയ്യത്തുല്‍ മുഅല്ലിമീന്‍ ജനറല്‍ ബോഡി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ശാന്തിയുടെയും സഹവര്‍ത്തിത്വത്തിന്റെയും സന്ദേശമാണ് മദ്‌റസകള്‍ നല്‍കുന്നത്. റെയ്ഞ്ച് പ്രസിഡന്റ് എ.ടി.എം ഫൈസി അധ്യക്ഷനായി. ചെയര്‍മാന്‍ എ.എ ജാഫര്‍ മാസ്റ്റര്‍ മുഖ്യ പ്രഭാഷണം നടത്തി. 2016  17 വര്‍ഷത്തെ പുതിയ ഭാരവാഹികളെയും യോഗം തെരഞ്ഞെടുത്തു. ഈ വര്‍ഷം മാറിയ മദ്‌റസ പാഠപുസ്തകങ്ങളുടെ പരിശീലന ശില്‍പശാലയും നടന്നു. കെ.അബ്ദുല്‍ കരീം ദാരിമി, എ.ടി റഫീക്ക്, എ.എ അബ്ദുല്‍ ജബ്ബാര്‍, പി.കെ ജമാലുദ്ദീന്‍ സംസാരിച്ചു.