കണ്ണൂര്‍: 15 മുതല്‍ 18 വരെ കലക്ടറേറ്റ് മൈതാനത്ത് നടക്കുന്ന പ്രമുഖ വാഗ്മി മുസ്തഫ ഹുദവി ആക്കോടിന്റെ റമദാന്‍ പ്രഭാഷണത്തിനുള്ള വേദിയുടെ പന്തല്‍ കാല്‍നാട്ടല്‍ കര്‍മം മുസ്‌ലിം ലീഗ് സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി നിര്‍വഹിച്ചു. എസ്.വൈ.എസ് സംസ്ഥാന സെക്രട്ടറി അഹ്മദ് തേര്‍ളായി, മുസ്‌ലിം ലീഗ് ജില്ലാ ജനറല്‍ സെക്രട്ടറി അബ്ദുല്‍ കരീം ചേലേരി, സംഘാടക സമിതി ചെയര്‍മാന്‍ കെ.ടി അബ്ദുല്‍ ഖാദര്‍, എസ്.എം.എഫ് ജില്ലാ സെക്രട്ടറി എ.കെ അബ്ദുല്‍ ബാഖി, മദ്‌റസാ മാനേജ്‌മെന്റ് അസോസിയേഷന്‍ ജില്ലാ ട്രഷറര്‍ അഷ്‌റഫ് ബംഗാളി മുഹല്ല, അബ്ദുറഹ്മാന്‍ ദാരിമി, ഫൈസല്‍ ദാരിമി, അനസ് അസ്അദി, സലീം എടക്കാട്, കെ.കെ സുബൈര്‍, ഉസ്മാന്‍ അസ്അദി സംസാരിച്ചു.