കൊട്ടിയം: വാടക വീട്ടില്‍ കേടായ ഫ്രിഡ്ജിനുള്ളില്‍ വില്‍പ്പനക്കായി ഒളിപ്പിച്ചു വച്ചിരുന്ന ഏകദേശംഒന്നര ലക്ഷം രൂപാ വിലവരുന്ന നിരോധിത പുകയില ഉല്‍പ്പന്നങ്ങള്‍ കൊട്ടിയം പൊലിസ് പിടികൂടി.
സംഭവവുമായി ബന്ധപ്പെട്ട് പാന്‍മസാല സൂക്ഷിച്ചിരുന്നയാളെ കൊട്ടിയം എസ്.ഐ ആര്‍ രതീഷിന്റെ അറസ്റ്റ് ചെയ്തു.
കൊട്ടിയം സിത്താരാ ജംങ്ഷന്‍ എം.കെഹൗസില്‍ ഷാഹുല്‍ ഹമീദാ( 45)ണ് അറസ്റ്റിലായത്. ഇത് രണ്ടാം തവണയാണ് പാന്‍മസാലയുമായി ഇയാള്‍ പിടിയിലാകുന്നത്.
തമിഴ്‌നാട്ടില്‍ നിന്നും ഏജന്റുമാര്‍ എത്തിക്കുന്ന പാന്‍ മസാലമൊത്ത വിതരണം നടത്തിയിരുന്നത് ഇയാളായിരുന്നെന്ന് പൊലിസ് പറഞ്ഞു.