കണ്ണൂര്‍: കാലവര്‍ഷവും തുടര്‍ന്നുള്ള കാലാവസ്ഥാ പ്രതികൂല സാഹചര്യങ്ങളും കരുതലോടെ പ്രതിരോധിക്കാന്‍ ജില്ലാ ഭരണകൂടം പൊതുജനങ്ങള്‍ക്ക് നിര്‍ദേശം നല്‍കി. കേന്ദ്ര ദുരന്ത നിവാരണ വകുപ്പിന്റെ പ്രത്യേക നിര്‍ദേശത്തെ തുടര്‍ന്നാണിത്. ഉത്തരേന്ത്യയില്‍ മിന്നലേറ്റ് മരണവും അപകടങ്ങളും വര്‍ധിച്ച സാഹചര്യത്തില്‍ ഇതിനെതിരേ ജാഗ്രത പാലിക്കണമെന്ന് നിര്‍ദേശത്തില്‍ വ്യക്തമാക്കി. ബീഹാര്‍, മധ്യപ്രദേശ്, ഉത്തര്‍പ്രദേശ്, ഝാര്‍ഖണ്ഡ് സംസ്ഥാനങ്ങളില്‍ മിന്നലേറ്റുളള അപകടങ്ങള്‍ കഴിഞ്ഞ രണ്ടുദിവസങ്ങള്‍ക്കുള്ളില്‍ 30ലേറെയാണ് റിപ്പോര്‍ട്ട് ചെയ്തത്. വീട്ടിലോ സ്ഥാപനങ്ങളിലോ ആണെങ്കിലും പുറത്താണെങ്കിലും പ്രത്യേക ശ്രദ്ധ ആവശ്യമാണ്.