തൊട്ടില്‍പ്പാലം: മരുതോങ്കരയില്‍ ബി.ജെ.പി പ്രവര്‍ത്തകന്റെ വീടിന് നേരെ ബോംബെറിഞ്ഞു. അംബേദ്ക്കര്‍ കോളനി സെമിത്തേരി മുക്കിലെ പാറച്ചാലില്‍ പ്രദീപന്റെ വീടിന് നേരെയാണ് അജ്ഞാതര്‍ ബോംബെറിഞ്ഞത്.
ഞായറാഴ്ച അര്‍ധരാത്രിയോടെയാണ്‌സംഭവം. ആളപായമില്ല.സംഭവ സമയത്ത് പ്രദീപനും ഭാര്യ ചന്ദ്രി, ഇവരുടെ മകനും ആര്‍.എസ്.എസ് മുള്ളന്‍കുന്ന് ശാഖ മുഖ്യശിക്ഷക് പ്രജീഷും സഹോദരന്‍ രജിത്തും വീട്ടിലുണ്ടായിരുന്നു.
മൂന്ന് ബോംബുകള്‍ വീടിനു നേരെ എറിയുകയും അതില്‍ ഒന്ന് വീട്ടുവളപ്പില്‍ വീണ് പൊട്ടിത്തെറിക്കുകയുമായിരുന്നു. കഴിഞ്ഞ ഏതാനും ദിവസങ്ങള്‍ക്ക് മുന്‍പ് ഇത്തരത്തില്‍ ബോംബെറിഞ്ഞു പ്രജീഷിന്റെ മോട്ടോര്‍ സൈക്കിളിന്ന് സാരമായ കേടുപാടുകള്‍ സംഭവിച്ചിരുന്നതായി വീട്ടുകാര്‍ പറഞ്ഞു.
കുറ്റ്യാടി സി.ഐ സജീവന്‍ സംഭവസ്ഥലം സന്ദര്‍ശിച്ചു.തൊട്ടില്‍പ്പാലം പൊലിസ് കേസെടുത്തു.