പഴയങ്ങാടി (കണ്ണൂര്‍): ജംഇയ്യത്തുല്‍ മുഅല്ലിമീന്‍ മുഅല്ലിം ദിനാചരണത്തിന്റെ സംസ്ഥാനതല ഉദ്ഘാടനം കണ്ണൂര്‍ മുട്ടം റഹ്മാനിയ സെക്കന്‍ഡറി മദ്‌റസയില്‍ സമസ്ത വിദ്യാദ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍ നിര്‍വഹിച്ചു. സമൂഹത്തെ വിദ്യാഭ്യാസപരമായും സാംസ്‌കാരികമായും ഉന്നതിയിലേക്ക് നയിക്കുന്നതില്‍ മദ്‌റസാ അധ്യാപകരുടെ പങ്ക് വലുതാണെന്ന് അദ്ദേഹം വ്യക്തമാക്കി.
ജില്ലാ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. എ. ഉമര്‍കോയ തങ്ങള്‍ പ്രാര്‍ഥനയും അബ്ദുല്ല ജംശാദ് ഖിറാഅത്തും നിര്‍വഹിച്ചു. പാണക്കാട് സാബിഖലി ശിഹാബ് തങ്ങള്‍ ഫണ്ട് ശേഖരണം ഉദ്ഘാടനം ചെയ്തു. അബ്ദുല്‍ ഷുക്കൂര്‍ ഫൈസി പുഷ്പഗിരി മുഖ്യപ്രഭാഷണം നടത്തി. കെ.പി.പി തങ്ങള്‍, ഉസ്മാന്‍ ഹാജി വേങ്ങാട്, അബ്ദുസ്സമദ് മുട്ടം, ഷഹീര്‍ പാപ്പിനിശ്ശേരി, അലി അക്ബര്‍ ബാഖവി, അഫ്‌സല്‍ രാമന്തളി, വി.പി.പി ഹമീദ്, ടി.പി ഇബ്രാഹിം ഹാജി ദുബൈ, എം.പി മൊയ്തീന്‍ ഹാജി, എം.പി നാസര്‍, ടി.പി അബ്ദുല്ല ഹാജി, സി.വി അബ്ദുല്‍ ഖാദിര്‍, സാജിദ് മൗലവി, എന്‍.കെ ആമുഞ്ഞി ഹാജി, ടി. അഹ്മദ് മുസ്‌ലിയാര്‍, എസ്.ഇ അബ്ദുല്‍ ലത്തീഫ്, എം. ബഷീര്‍ മൗലവി, ഷംസുദ്ദീന്‍ മൗലവി, കെ. യൂസുഫ് ഹാജി, കെ. മൊയ്തീന്‍ കുഞ്ഞി ഹാജി സംസാരിച്ചു. നേരത്തേ പി.എം.കെ പക്കര്‍ ഹാജി പതാക ഉയര്‍ത്തി. മജ്‌ലിസുന്നൂര്‍ ആത്മീയ സദസിനു മുഹമ്മദ് ത്വയ്യിബ് അഷ്‌റഫി നേതൃത്വം നല്‍കി.