കോളിയടുക്കം: വിശ്വപ്രസിദ്ധ ഹിന്ദി സാഹിത്യകാരന്‍ മുന്‍ഷി പ്രേംചന്ദിന്റെ ജന്മദിനത്തില്‍ കോളിയടുക്കം ഗവ.യു.പി സ്‌കൂളില്‍  'പ്രേംചന്ദ്' എത്തി. ഏഴാം തരം ബിയിലെ ആര്‍ അവിന്‍നായരാണ്  പ്രേംചന്ദിന്റെ വേഷമിട്ടത്.  സി വിഷ്ണുപ്രസാദ് പരിഭാഷകനായും കൂടെയെത്തി. സ്‌കൂള്‍ അസംബ്ലിയില്‍ 'പ്രേംചന്ദ് ' കുട്ടികളോട് സംവദിച്ചു. തുടര്‍ന്ന് ക്‌ളാസുകള്‍ തോറും സന്ദര്‍ശിച്ച് കുട്ടികളുമായി ഹിന്ദിയില്‍ സംസാരിച്ചു.  
സ്‌കൂള്‍ അസംബ്ലിയില്‍ പ്രേംചന്ദ് ദിനത്തെക്കുറിച്ച് ഹിന്ദി അധ്യാപിക എ വിദ്യ , പ്രധാനധ്യാപകന്‍ എ പവിത്രന്‍, പി മധു എന്നിവര്‍ സംസാരിച്ചു. ഹിന്ദിക്വിസ്  മത്സരവും പോസ്റ്റര്‍ പ്രദര്‍ശനവും ഉണ്ടായിരുന്നു.