റിയാദ്: ഖത്തര്‍ നയതന്ത്ര പ്രതിസന്ധിയില്‍ പരിഹാരമുണ്ടാക്കുന്നതിന്റെ ഭാഗമായി റഷ്യന്‍ പ്രസിഡന്റ് വഌദ്മിര്‍ പുടിന്‍ സഊദി ഭരണാധികാരി കിങ് സല്‍മാന്‍ ഇബ്‌നു അബ്ദുല്‍ അസീസ് രാജാവുമായി ടെലഫോണ്‍ സംഭാഷണം നടത്തി.

പ്രശ്‌ന പരിഹാരത്തിന് റഷ്യ സന്നദ്ധമാണെന്ന് നേരത്തെ തന്നെ വാര്‍ത്തകളുണ്ടായിരുന്നു. ഖത്തറുമായി ബന്ധം വിച്ഛേദിച്ച പ്രധാന രാജ്യം എന്ന നിലക്കാണ് സഊദിയുമായി പുടിന്‍ ചര്‍ച്ച നടത്തിയത്. ചര്‍ച്ചയുടെ വിശദാംശങ്ങള്‍ പുറത്തു വന്നിട്ടില്ല. അമേരിക്കന്‍ പ്രസിഡന്റ് ഡൊണാള്‍ഡ് ട്രംപും നേരത്തെ സല്‍മാന്‍ രാജാവുമായി ചര്‍ച്ച നടത്തിയിരുന്നു.

ഖത്തർ പ്രതിസന്ധിയില്‍ മധ്യസ്ഥ ചർച്ചയ്ക്ക് തയ്യാറാണെന്ന് നേരത്തെ റഷ്യ അറിയിച്ചിരുന്നു.