കഴക്കൂട്ടം: നിരാലംബരും നിര്‍ധനരും താമസിക്കാനിടമില്ലാത്തവരുമായ കലാകാരന്മാര്‍ക്ക് മാജിക്ക് അക്കാദമിയുടെ വകയായി 'ആര്‍ട്ടിസ്റ്റ് വില്ലേജ് ' സ്വപ്ന പദ്ധതി സാക്ഷാല്‍കരിക്കുന്നു. കലാകാരന്മാര്‍ക്കു സൗജന്യമായി വീടുകള്‍ നല്‍കുന്ന പദ്ധതിയുടെ ഉദ്ഘാടനം ഇന്ന് വൈകിട്ടു നാലിന് മന്ത്രി തോമസ് ഐസക് നിര്‍വഹിക്കും.
ഇന്ദ്രജാല സര്‍കസ് കലാകാരന്മാര്‍ക്കു മന്ത്രി കടകംപള്ളി സുരേന്ദ്രനും ഭിന്നശേഷി കുട്ടികള്‍ക്ക് മന്ത്രി കെ.കെ ശൈലജ ടീച്ചറും താക്കോല്‍ദാനം നിര്‍വഹിക്കും. മാജിക് അക്കാദമി രക്ഷാധികാരി അടൂര്‍ ഗോപാലകൃഷ്ണന്‍ ചടങ്ങില്‍ അധ്യക്ഷനാകും. മേയര്‍ വി.കെ പ്രശാന്ത് മുഖ്യപ്രഭാഷണം നടത്തും. നടന്‍ മധു, മാജിക് അക്കാദമി എക്‌സിക്യൂട്ടിവ് ഡയരക്ടര്‍ ഗോപിനാഥ് മുതുകാട്, ഡയരക്ടര്‍മാരായ ചന്ദ്രസേനന്‍ മിതൃമ്മല, പ്രഹ്ലാദ് ആചാര്യ പങ്കെടുക്കും.
കഴക്കൂട്ടം ചന്തവിളയിലുള്ള ആര്‍ട്ടിസ്റ്റ് വില്ലേജില്‍ 16 വീടുകളാണ് അക്കാദമിയുടെ നേതൃത്വത്തില്‍ നിര്‍മിച്ചുനല്‍കുന്നത്.