നിലമ്പൂര്‍: കെ.എസ്.ആര്‍.ടി.ഇ.എ (സി.ഐ.ടി.യു) നിലമ്പൂര്‍ യൂനിറ്റ് കണ്‍വെന്‍ഷന്‍ പി.വി അന്‍വര്‍ എംഎല്‍എ ഉദ്ഘാടനം ചെയ്തു. സേവനമേഖല എന്ന നിലയില്‍ കെ.എസ്.ആര്‍.ടി.സി ജീവനക്കാരില്‍ നിന്ന് മനുഷ്യത്വവും സഹായവും സാധാരണക്കാര്‍ പ്രതീക്ഷിക്കുന്നതായി അദ്ദേഹം പറഞ്ഞു.
വെളിച്ചക്കുറവുള്ളതിനാല്‍ നിലമ്പൂര്‍ ഡിപ്പോ ഗ്യാരേജില്‍ ജനറേറ്റര്‍ വാങ്ങാന്‍ ചട്ടവിധേയമായി എംഎല്‍.എയുടെ ആസ്തി വികസന നിധിയില്‍ നിന്ന് തുക അനുവദിക്കുമെന്നും എംഎല്‍എ പറഞ്ഞു. യൂനിറ്റ് പ്രസിഡന്റ് സി. മുജീബ് റഹ്മാന്‍ അധ്യക്ഷനായി.
സംസ്ഥാന ട്രഷറര്‍ ടി. ദിലീപ് കുമാര്‍, കെ.വി ഗിരീഷ് സംസാരിച്ചു. ഭാരവാഹികളായി സി. മുജീബ് റഹ്മാന്‍ (പ്രസി), പി. അഷ്‌റഫ് (സെക്ര) കെ.എ നിസാര്‍ (ടഷ)എന്നിവരെ തെരഞ്ഞെടുത്തു. കൂടുതല്‍ അന്തര്‍ സംസ്ഥാന സര്‍വീസുകള്‍ അനുവദിക്കണണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു.