പാരിസ്: പാരിസ് മാസ്റ്റേഴ്‌സ് ടെന്നീസ് ടൂര്‍ണമെന്റില്‍ സൂപ്പര്‍ താരങ്ങളും മുന്‍ ചാംപ്യന്‍മാരുമായ റോജര്‍ ഫെഡററും നൊവാക് ദ്യോ കോവിച്ചും ക്വാര്‍ട്ടര്‍ ഫൈനലില്‍ പ്രവേശിച്ചു.
ലോക മൂന്നാം നമ്പറും സ്വിറ്റ്‌സര്‍ലാന്‍ഡ് ഇതിഹാസവുമായ ഫെഡറര്‍ ഇറ്റലിയുടെ ഫാബിയോ ഫോഗ്‌നിനിയെയാണ് തോല്‍പ്പിച്ചത്. ഒരു മണിക്കൂറും 13 മിനുട്ടും നീണ്ട മല്‍സരത്തില്‍ നേരിട്ടുള്ള സെറ്റുകള്‍ക്കായിരുന്നു ഫെഡററിന്റെ വിജയം. സ്‌കോര്‍: 6-4, 6-3.
അതേസമയം ആദ്യ സെറ്റ് ദ്യോകോവിച്ച് 6-1ന് അനായാസം സ്വന്തമാക്കിയപ്പോള്‍ രണ്ടണ്ടാം സെറ്റിനിടെ പരുക്കിനെ തുടര്‍ന്ന് ബോസ്‌നിയയുടെ ഡാമിര്‍ സുമുഹുര്‍ പിന്‍വാങ്ങുകയായിരുന്നു.
രണ്ടണ്ടാം സെറ്റിലും 2-1ന് ദ്യോകോവിച്ച് ലീഡ് ചെയ്യുമ്പോഴായിരുന്നു സുമുഹുറിന്റെ പിന്‍വാങ്ങല്‍. ഇന്ന് നടക്കുന്ന ക്വാര്‍ട്ടര്‍ ഫൈനലില്‍ ദ്യോകോവിച്ച് മരിന്‍ സിലിച്ചിനെയും റോജര്‍ ഫെഡറര്‍ കെയ് നിഷിങ്കോരിയെയും നേരിടും.