പാലക്കാട്: എസ്.കെ.എസ്.എസ്.എഫ് ജില്ലാ ഓര്‍ഗാനെറ്റ് സമിതി സംഘടിപ്പിക്കുന്ന ചലനം'18 ക്ലസ്റ്റര്‍ ലീഡേഴ്‌സ് മീറ്റ് നാളെ അലനല്ലൂര്‍ ദാറുത്തഖ്‌വ വാഫി കോളജില്‍ നടക്കും. ക്ലസ്റ്റര്‍ ഭാരവാഹികളായ പ്രസിഡന്റ്, വൈസ് പ്രസിഡന്റ്, ജനറല്‍ സെക്രട്ടറി, ട്രഷറര്‍, വര്‍ക്കിങ് സെക്രട്ടറി എന്നിവരെ പങ്കെടുപ്പിച്ച് രാവിലെ ഒമ്പത് മണി മുതല്‍ ഉച്ചക്ക് 1.30 വരെ ജില്ലയിലെ മുഴുവന്‍ ക്ലസ്റ്റര്‍ കമ്മിറ്റി ഭാരവാഹികളെയും പങ്കെടുപ്പിച്ച് പ്രതിനിധി ക്യാംപ് നടക്കും.
ക്ലസ്റ്റര്‍ കമ്മിറ്റികളുടെ പ്രവര്‍ത്തനം കൂടുതല്‍ കാര്യക്ഷമമാക്കുനനതിനു വേണ്ടി സംഘാടനം ശാസ്ത്രീയമാക്കി കൂടുതല്‍ മികവ് പുലര്‍ത്താന്‍ ഭാരവാഹികളെ പ്രാപ്തരാക്കുക എന്നതാണ് ക്യാംപിലൂടെ ലക്ഷ്യമിടുന്നത്.
എസ്.കെ.എസ്.എസ്.എഫ് സംസ്ഥാന ട്രഷറര്‍ ഹബീബ് ഫൈസി കോട്ടോപ്പാടം, വര്‍ക്കിങ് സെക്രട്ടറി റഷീദ് ഫൈസി വെള്ളായിക്കോട്, ജംഇയ്യത്തുല്‍ മുദരിസീന്‍ ജില്ല ജന. സെക്രട്ടറി സി. മുഹമ്മദ് കുട്ടി ഫൈസി, സയ്യിദ് പി.എം.എസ് ഇമ്പിച്ചിക്കോയ തങ്ങള്‍, എന്‍. അഷ്‌റഫ് ഹാജി, ഹസ്സന്‍ വാഫി അസ്ഹരി, സയ്യിദ് ശിഹാബുദ്ദീന്‍ ജിഫ്രി തങ്ങള്‍ വല്ലപ്പുഴ, അബ്ദുല്‍ ഖാദര്‍ ഫൈസി തലക്കശ്ശേരി, ശമീര്‍ ഫൈസി കോട്ടോപാടം, അന്‍വര്‍ സ്വാദിഖ് ഫൈസി കാഞ്ഞിരപ്പുഴ, അഷ്‌കറലി മാസ്റ്റര്‍ കരിമ്പ, സയ്യിദ് ഉമറുല്‍ ഫാറൂഖ് തങ്ങള്‍, കുഞ്ഞുമുഹമ്മദ് ഫൈസി മോളൂര്‍, സൈദ് ഹുസൈന്‍ തങ്ങള്‍ കൊടക്കാട്, മുഷ്താഖ് മാസ്റ്റര്‍, ആരിഫ് ഫൈസി തിരുവേഗപ്പുറ, അബ്ദുറഹീം ഫൈസി അക്കിപ്പാടം,സുബൈര്‍ മൗലവി പുല്ലശ്ശേരി, കബീര്‍ അന്‍വരി നാട്ടുക്കല്‍, നിസാബുദ്ദീന്‍ ഫൈസി പുല്ലശ്ശേരി,ഹിബത്തുള്ള മാസ്റ്റര്‍ മാരായമംഗലം, സക്കീര്‍ മാസ്റ്റര്‍ മാരായമംഗലം, ഉബൈദ് മാസ്റ്റര്‍ ആക്കാടന്‍ ക്യാംപില്‍ സംബന്ധിക്കുമെന്ന് സമിതി സെക്രട്ടറി ഇസ്മായില്‍ ദാരിമി, ചെയര്‍മാന്‍ സൈനുദ്ദീന്‍ മാസ്റ്റര്‍ മുണ്ടൂര്‍, കണ്‍വീനര്‍ ജാഫര്‍ പേഴുംകര അറിയിച്ചു.