കമ്പളക്കാട്: കമ്പളക്കാട് ടൗണില്‍ തെരുവുനായ ശല്യം രൂക്ഷം. പകല്‍-രാത്രി ഭേദമില്ലാതെയാണ് തെരുവുനായകള്‍ ടൗണ്‍ കൈയടക്കുന്നത്. തെരുവുനായകള്‍ കൂട്ടമായി ടൗണിന്റെ വിവിധഭാഗങ്ങളിലേക്കെത്തെന്നുത്. പകല്‍പോലും ജനങ്ങള്‍ ഭീതിയോടെയാണ് ടൗണിലൂടെ നടക്കുന്നത്.
രാത്രികാലങ്ങളിലാണ് തെരുവുനായശല്യം കൂടുതല്‍. ദൂരയാത്ര കഴിഞ്ഞ് രാത്രിയില്‍ ടൗണില്‍ ബസ് ഇറങ്ങുക യാത്രക്കാര്‍ക്ക് പലപ്പോഴും തെരുവുനായകള്‍ ഭീഷണിയാവാറുണ്ട്.
ടൗണില്‍ മാലിന്യം കുന്നുകൂടികിടക്കുന്നതും നായകള്‍ക്ക് വിഹരിക്കാനുള്ള സാഹചര്യം വര്‍ധിപ്പിക്കുന്നു. ഇക്കാര്യം നിരവധി തവണ അധികൃതരുടെ ശ്രദ്ധയില്‍പ്പെടുത്തിയെങ്കിലും അധികൃതരുടെ ഭാഗത്തു നിന്നു വേണ്ട നടപടികള്‍ ഒന്നും തന്നെ ഉണ്ടായിട്ടില്ലെന്നാണ് നാട്ടുകാര്‍ പറയുന്നത്. നായശല്യത്തിന് അടിയന്തര പരിഹാരം കാണാന്‍ അധികൃതരുടെ ഭാഗത്ത് നിന്ന് നടപടി ഉണ്ടാവണമെന്നാണ് നാട്ടുകാരുടെ ആവശ്യം.