കക്കട്ടില്‍: നരിപ്പറ്റ കൊയ്യാല്‍ ടൗണില്‍ നിര്‍മാണത്തിലിരിക്കുന്ന മുസ്‌ലിം ലീഗ് ഓഫിസ് കെട്ടിടത്തിനുനേരെ ബോംബേറ്. വ്യാഴാഴ്ച അര്‍ധരാത്രിയാണ് സംഭവം. ബോംബ് ഓഫിസിന്റെ ചുമരില്‍ തട്ടി പൊട്ടുകയായിരുന്നു. സംഭവത്തില്‍ ചുമരിന് കേടുപാടുകള്‍ സംഭവിച്ചിട്ടുണ്ട്.
സൂപ്പി നരിക്കാട്ടേരി സംഭവസ്ഥലം സന്ദര്‍ശിച്ചു. സംഭവത്തില്‍ നരിപ്പറ്റ പഞ്ചായത്ത് മുസ്‌ലിം ലീഗ് കമ്മിറ്റി പ്രതിഷേധിച്ചു. ടി.പി.എം തങ്ങള്‍ അധ്യക്ഷനായി.
കെ.എം ഹമീദ്, എം.പി ജാഫര്‍, എന്‍.പി നാസര്‍, പി.സി അമ്മത് ഹാജി, കുഞ്ഞബ്ദുല്ല മാസ്റ്റര്‍ സംസാരിച്ചു.