തിരുവനന്തപുരം: ഓള്‍ ഇന്ത്യ ഇലക്ട്രിസിറ്റി സ്‌പോര്‍ട്‌സ് കണ്‍ട്രോള്‍ ബോര്‍ഡ് ബാസ്‌കറ്റ്‌ബോള്‍ ടൂര്‍ണമെന്റ് ഇന്ന് മുതല്‍ 27 വരെ തിരുവനന്തപുരത്ത് നടക്കും. 43ാമത് ടൂര്‍ണമെന്റില്‍ ഇന്ത്യയിലെ വിവിധ ഇലക്ട്രിസിറ്റി സ്ഥാപനങ്ങളിലെ പന്ത്രണ്ട് ടീമുകള്‍ പങ്കെടുക്കും. പട്ടം വൈദ്യുതിഭവനിലെ മിനി സ്റ്റേഡിയത്തില്‍ ഇന്ന് വൈകിട്ട് നാലിന് ഔപചാരികമായി ഉദ്ഘാടനം ചെയ്യും. ആതിഥേയരും നിലവിലെ ചാംപ്യന്‍മാരുമായ കെ.എസ്.ഇ.ബി ലിമിറ്റഡിനു പുറമേ മഹാരാഷ്ട്രാ ജനറേഷന്‍ കമ്പനി, പഞ്ചാബ് സ്റ്റേറ്റ് പവര്‍ കോര്‍പറേഷന്‍ ലിമിറ്റഡ്, മഹാരാഷ്ട്ര ഇലക്ട്രിസിറ്റി ഡിസ്ട്രിബ്യൂഷന്‍ കമ്പനി ലിമിറ്റഡ്, ഉത്തരാഖണ്ഡ് പവര്‍ സ്‌പോര്‍ട്‌സ് ഗ്രൂപ്പ്, ഹരിയാന പവര്‍ സ്‌പോര്‍ട്‌സ് ഗ്രൂപ്പ്, തമിഴ്‌നാട് ജനറേഷന്‍ ആന്‍ഡ് ഡിസ്ട്രിബ്യൂഷന്‍ കമ്പനി ലിമിറ്റഡ്, മഹാരാഷ്ട്ര സ്റ്റേറ്റ് ഇലക്ട്രിസിറ്റി ഡിസ്ട്രിബ്യൂഷന്‍ കമ്പനി ലിമിറ്റഡ്, തെലങ്കാന ട്രാന്‍സ്‌കോ, കര്‍ണാടക പവര്‍ ട്രാന്‍സ്മിഷന്‍ കോര്‍പ്പറേഷന്‍ ലിമിറ്റഡ്, എന്നീ ടീമുകള്‍ പങ്കെടുക്കും.