വനിത നിര്‍മ്മാതാവിന്റെ പരാതിയില്‍ നാല് നിര്‍മാതാക്കളുടെ അറസ്റ്റ് എറണാകുളം പ്രിന്‍സിപ്പല്‍ സെഷന്‍സ് കോടതി തടഞ്ഞു.  നിര്‍മാതാക്കളുടെ  മുന്‍കൂര്‍ ജാമ്യാപേക്ഷയില്‍ കോടതി റിപ്പോര്‍ട്ട് തേടി. 

സിനിമയുമായി ബന്ധപ്പെട്ട തര്‍ക്കപരിഹാരത്തിന് എത്തിയപ്പോള്‍ അതിക്രമിച്ച് എന്ന പരാതിയില്‍ എറണാകുളം സെന്‍ട്രല്‍ പൊലിസാണ് നിര്‍മാതാക്കള്‍ക്കെതിരെ കേസെടുത്തത്. ഒമ്പത് നിര്‍മാതാക്കള്‍ക്കെതിരായാണ് കേസ്. 

ഇതില്‍ മുന്‍കൂര്‍ ജാമ്യാപേക്ഷ സമര്‍പ്പിക്കാനായിരുന്നു നിര്‍മാതാക്കള്‍ക്ക് ലഭിച്ച നിയമോപദേശം. ഇതനുസരിച്ചാണ് നാലുപേരും കോടതിയെ സമീപിച്ചത്. ആന്റോ ജോസഫ്, പി. രാകേഷ്, ലിസ്റ്റിന്‍ സ്റ്റീഫന്‍ തുടങ്ങിയവരാണ് കോടതിയെ സമീപിച്ചത്. ഇവരുടെ മുന്‍കൂര്‍ ജാമ്യാപേക്ഷ പരിഗണിച്ചാണ് കോടതി നടപടി. 

The Sessions Court stayed the arrest of four producers