തളിപ്പറമ്പ് : പ്ലാസ്റ്റിക് പേനകള്‍ക്ക് പകരം കടലാസ് പേനയുമായി വിദ്യാര്‍ഥികള്‍.
ഗ്രീന്‍ പ്രോട്ടോക്കോളിന്റെ ഭാഗമായി സബ്ജില്ലാ കലോത്സവത്തില്‍ ഉപയോഗിക്കുന്നതിനായി സര്‍സയ്യിദ് ഹയര്‍ സെക്കന്‍ഡറി സ്‌കൂള്‍ നാഷണല്‍ സര്‍വിസ് സ്‌കീം വളണ്ടിയര്‍മാര്‍ 500 പേപ്പര്‍ പേനകള്‍ നിര്‍മിച്ചു. ഹരിത ചട്ടമനുസരിച്ച് സംഘടിപ്പിക്കുന്ന സബ്ജില്ലാ കലോത്സവത്തില്‍ വിവിധ സ്റ്റേജുകളിലും കമ്മറ്റികളിലേക്കും ഉപയോഗിക്കുന്നതിനായി തികച്ചും സൗജന്യമായി വിതരണം ചെയ്യുന്നതിനു വേണ്ടിയാണ് കടലാസ് പേന നിര്‍മിച്ചത്.
എന്‍.എസ്.എസ് പ്രോഗ്രാം ഓഫിസര്‍ പി.എസ് അന്‍വര്‍ ശില്‍പശാലയ്ക്ക് നേതൃത്വം നല്‍കി.