കോഴിക്കോട്: തെറ്റായ ദിശയില്‍ വരുന്ന വാഹനങ്ങളെ തടയുകയും ചീത്തവിളിക്കുകയും ചെയ്യുന്ന നാട്ടുകാരെയും മറ്റ് വാഹന ഡ്രൈവര്‍മാരെയും നമ്മള്‍ കണ്ടിട്ടുണ്ട്. എന്നാല്‍ തന്റെ നേര്‍ക്ക് റോങ്‌സൈഡില്‍ കുതിച്ചെത്തിയ കെ.എസ്.ആര്‍.ടി.സി ബസ്സിന് മുന്നില്‍ സ്‌കൂട്ടര്‍ നിര്‍ത്തി ഡ്രൈവറെ ചട്ടംപടിപ്പിച്ച ഒരു യുവതിയുടെ ദൃശ്യങ്ങളാണ് ഇപ്പോള്‍ സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്നത്.

https://www.facebook.com/IamUnniMukundan/videos/378080113128951/?t=24

ഏത് ജില്ലയിലാണ് സംഭവം നടന്നതെന്ന് വ്യക്തമല്ലെങ്കിലും യുവതിയെ അഭിനന്ദിച്ചുകൊണ്ടു ധൈര്യത്തെ പ്രകീര്‍ത്തിച്ചുകൊണ്ടുമുള്ള സന്ദേശങ്ങളാണ് ദൃശ്യത്തിന് പിന്നാലെയെത്തുന്നത്. മറ്റ് വാഹനങ്ങളെ മറികടനക്കാനായാണ് കെ.എസ്.ആര്‍.ടി.സി ഡ്രൈവര്‍ പൂര്‍ണായും തെറ്റായ ദിശയില്‍ ബസുമായെത്തിയത്. എന്നാല്‍ സ്‌കൂട്ടറുമായി യുവതി ബസിന് മുന്നില്‍ തന്നെ നില്‍ക്കുകയായിരുന്നു. ഒടുവില്‍ കെ.എസ്.ആര്‍.ടി.സി ഡ്രൈവര്‍ ഏറെ പണിപ്പെട്ട് ബസ് വളച്ച് ഇടതുവശത്തോട് ചേര്‍ന്ന് യാത്രതുടരുകയാണ്. ഈ സമയം സമീപത്തുള്ള ആരോ എടുത്ത വീഡിയോ ആണ് സമൂഹമാധ്യമങ്ങളിലൂടെ വൈറലായിക്കൊണ്ടിരിക്കുന്നത്.

സിനിമാതാരം ഉണ്ണിമുകുന്ദന്‍ അടക്കമുള്ളവര്‍ ഈ ദൃശ്യം പങ്കുവച്ചിട്ടുണ്ട്. വലിയ വാഹനങ്ങളിലുള്ളവര്‍ ഇരുചക്രവാഹനങ്ങളുള്‍പ്പെടെയുള്ള ചെറിയ വാഹനയാത്രക്കാരോട് കാണിക്കുന്ന സമീപനത്തിന്റെ തെളിവാണ് ഇതെന്ന് ഭൂരഭാഗവും പറയുന്നു.