കണ്ണാടിപറമ്പ്: പുല്ലൂപ്പി റേഷന്‍ കടയ്ക്ക് സമീപമുള്ള ഓവുചാലില്‍ കക്കൂസ് മാലിന്യം തള്ളിയവരെ മയ്യില്‍ പൊലിസ് പിടികൂടി.
സി.സി.ടി.വി ക്യാമറയുടെ സഹായത്തോടെയാണ് പിടികൂടിയത്. ഇവര്‍ക്കെതിരെ പൊലിസ് കേസെടുക്കുകയും നാറാത്ത് പഞ്ചായത്തില്‍ 25,000 രൂപ പിഴയടക്കാന്‍ നോട്ടീസ് നല്‍കുകയും ചെയ്തു. കഴിഞ്ഞയാഴ്ച രാത്രിയിലാണ് ടാങ്കറില്‍ കൊണ്ടുവന്ന കക്കൂസ് മാലിന്യം പുല്ലൂപ്പിയിലെ റേഷന്‍ കടയ്ക്ക് സമീപമുള്ള ഓവുചാലില്‍ തള്ളിയത്. മാലിന്യം തള്ളിയവരെ കൊണ്ടുതന്നെ നീക്കം ചെയ്യുകയും ചെയ്തു. രാത്രി കാലങ്ങളില്‍ പൊലിസ് നൈറ്റ് പെട്രോളിങ് ശക്തമാക്കണമെന്നാണ് നാട്ടുകാരുടെ ആവശ്യം.