ചെന്നൈ: പ്രധാനമന്ത്രി നരേന്ദ്രമോദി ഒരിക്കലൂടെ തമിഴ്‌നാട്ടിലെത്തിയത് കനത്ത പ്രതിഷേധത്തിനിടെ. മദ്രാസ് ഐ.ഐ.ടിയിലെ ബിരുദദാനച്ചടങ്ങില്‍ പങ്കെടുക്കുന്നതിന് വേണ്ടിയാണ് പ്രധാനമന്ത്രി നരേന്ദ്രമോദി ചെന്നൈയില്‍ എത്തിയത്. ബി.ജെ.പി കേന്ദ്രങ്ങള്‍ മോദിയുടെ തമിഴ്‌നാട് സന്ദര്‍ശനം പൊലിപ്പിക്കാന്‍ ശ്രമിച്ചെങ്കിലും ട്വിറ്ററില്‍ മോദിയോട് തിരിച്ചുപോവാന്‍ ആഹ്വാനംചെയ്തുള്ള #GoBackModi എന്ന ഹാഷ് ടാഗ് വൈറലാവുകയും ചെയ്തു. ഉച്ചവരെ #GoBackModi യാണ് ട്വിറ്ററിലെ ട്രെന്‍ഡിങ്ങില്‍ മുന്നിലുള്ളത്. ഒരുസമയത്ത് മോദിയെ പിന്തുണച്ച് #TNWelcomesModi എന്ന ഹാഷ് ടാഗ് ബി.ജെ.പി കേന്ദ്രങ്ങള്‍ തുടങ്ങിയെങ്കിലും നിമിഷനേരം കൊണ്ട് തന്നെ മോദിവിരുദ്ധ ട്വീറ്റുകള്‍ ട്വിറ്ററില്‍ ട്രെന്‍ഡ് ആവുകയയിരുന്നു. ഉച്ചയ്ക്ക് 12 മണി ആയപ്പോഴേക്കും അരലക്ഷത്തിലേറെ ഗോബാക്ക് മോദി ഹാഷ് ടാഗുകളാണ് ട്വിറ്ററില്‍ വന്നത്.
ഇതിനു മുന്‍പ് രണ്ടുതവണ മോദി തമിഴ്‌നാട് സന്ദര്‍ശിച്ചപ്പോഴും കനത്ത പ്രതിഷേധമാണ് നേരിട്ടത്. അപ്പോഴും ഗോബാക്ക് മോദി എന്ന ഹാഷ് ടാഗ് ട്രെന്‍ഡ് ആയിരുന്നു.

#gobackmodi
Tamilnadu always against BJP&RSS... pic.twitter.com/jwmd6NMDrx

— சா.ஆரிஸ் Aarish Babu (@BabuAarish) September 30, 2019

ഓണ്‍ലൈനിനു പുറമെ ഓഫ് ലൈനിലും നരേന്ദ്രമോദി പ്രതിഷേധം നേരിട്ടു. പ്രതിഷേധം ഉയരാന്‍ ഇടയുള്ളതിനാല്‍ ഹെലികോപ്റ്ററിലാണ് അദ്ദേഹം ചെന്നൈയില്‍ എത്തിയത്. മദ്രാസ് ഐ.ഐ.ടി ക്യാമ്പസില്‍ കനത്ത സുരക്ഷയും ഒരുക്കിയിരുന്നു. ബിരുദദാനച്ചടങ്ങില്‍ പങ്കെടുക്കുന്നതിനൊപ്പം സിങ്കപ്പുര്‍ഇന്ത്യ 'ഹാക്കത്തണ്‍- 2019' മത്സരത്തിലെ വിജയികള്‍ക്കുള്ള സമ്മാനവിതരണവും പ്രധാനമന്ത്രി നിര്‍വഹിക്കുന്നുണ്ട്. രണ്ടാംതവണ പ്രധാനമന്ത്രിയായി അധികാരമേറ്റതിന് ശേഷമുള്ള മോദിയുടെ ആദ്യ ചെന്നൈ സന്ദര്‍ശനമാണിത്.

Good morning Dosa? #gobackmodi @smhrkalifa @rajakumaari pic.twitter.com/qdWLfro9Fb

— Arulkumar Reddy (@Arulkumar28) September 30, 2019

PM's visit to TN: #GoBackModi vies with #TNWelcomesModi on Twitter