മട്ടന്നൂര്‍: കെ.എസ.്ഇ.ബിയുടെ ജീപ്പും കാറും കൂട്ടിയിടിച്ച് ഡ്രൈവറടക്കം രണ്ടു പേര്‍ക്കു പരുക്കേറ്റു. 

ഇന്നലെ ഉച്ചയ്ക്ക് മട്ടന്നൂര്‍ -തലശ്ശേരി റോഡില്‍ നിടുവോട്ടു കുന്നിലായിരുന്നു അപകടം. പരുക്കേറ്റ ജീപ്പ് ഡ്രൈവര്‍ ചെക്കിക്കുളം സ്വദേശി വേലായുധന്‍ (52), ഇലക്ട്രിസിറ്റി വര്‍ക്കര്‍ മാച്ചേരിയിലെ ചന്ദ്രന്‍ (34) എന്നിവരെ കണ്ണൂരില്‍ ആശുപത്രിയില്‍ പ്രവേശിപ്പിച്ചു. കാഞ്ഞിരോട് സബ് സ്റ്റേഷനില്‍ നിന്നു പഴശ്ശി സബ്സ്റ്റഷനിലേക്കു പോയ ജീപ്പാണ് കാറുമായി കൂട്ടിയിടിച്ചത്. അപകടത്തില്‍ ഇരു വാഹനങ്ങളുടെയും മുന്‍ഭാഗം തകര്‍ന്നു. അപകടത്തെ തുടര്‍ന്നു ഏറെ നേരം മട്ടന്നൂര്‍-കൂത്തുപറമ്പ് റൂട്ടില്‍ ഗതാഗതം തടസപ്പെട്ടു.
പൊലിസെത്തിയാണ് അപകടത്തില്‍പെട്ട വാഹനങ്ങള്‍ നീക്കിയത്.