ആലപ്പുഴ: എസ്.കെ.എസ്.എസ്.എഫ് വിഖായ ജില്ലാ നേതൃക്യാമ്പ് നാളെ നടക്കും. ന്യൂ ബസാര്‍ സി.എച്ച് മഹലില്‍ രാവിലെ 8 മുതല്‍ നടക്കുന്ന പരിപാടി സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സി. മുഹമ്മദ് അല്‍ഖാസിമി  ഉദ്ഘാടനം ചെയ്യും.
എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് അബ്ദുല്ലാഹ് ദാരിമി അധ്യക്ഷത വഹിക്കും. ആലപ്പുഴ ഡി.വൈ.എസ്.പി എം.ഇ ഷാജഹാന്‍ മുഖ്യാതിഥിയാകും. അഡ്വ.എ പൂക്കുഞ്ഞ്, എ.ഹബീബ് മുഹമ്മദ്, പി.എ ശിഹാബുദ്ദീന്‍ മുസ്‌ലിയാര്‍, നവാസ് എച്ച്. പാനൂര്‍, ഹാജി ഹസന്‍കോയ, എസ്.എം.ജെ അബൂബക്കര്‍, ഷെഫീഖ് മണ്ണഞ്ചേരി, എ മവാഹിബ് അരീപ്പുറം എന്നിവര്‍ സംബന്ധിക്കും. ആറ് സെഷനുകളിലായി നടക്കുന്ന ക്യാമ്പില്‍  പാലിയേറ്റീവ് കെയര്‍, സംഘടന, ട്രോമോകെയര്‍, വിഖായ - സഹചാരി, മയ്യിത്ത് പരിപാലനം,  വിഖായ - മെഡിറ്റേഷന്‍ തുടങ്ങിയ വിഷയങ്ങള്‍ അവതരിപ്പിക്കും.
റശീദ് ഫൈസി വെള്ളായിക്കോട്, ഷെഫീഖ് ദാരിമി, സാലിം ഫൈസി, ഡോ.അമീറലി, ഡോ.മുബാറക്, ഷാജിഹ് ശമീര്‍ അസ്ഹരി, അബ്ദുല്‍ ഖയ്യൂം മാസ്റ്റര്‍ എന്നിവര്‍ ക്ലാസ് നയിക്കും. വിഖായ ഭാരവാഹികളായ എ ഹസീബ് മുസ്‌ലിയാര്‍, സ്വാദിഖ് അന്‍വരി, എ.എം ശാഫി റഹ്മത്തുല്ലാഹ്, ഐ മുഹമ്മദ് മുബാശ്, അഹ് മദ് ഷാരിഖ് തുടങ്ങിയവര്‍ ക്യാമ്പിന് നേതൃത്വം നല്‍കും.