കോട്ടയം: സി.എം.എസ് കോളജ് ഹയര്‍സെക്കന്‍ഡറി സ്‌കൂളില്‍ ഹിരോഷിമ ദിനാചരണം സംഘടിപ്പിച്ചു. സോഷ്യല്‍ സയന്‍സ്, സയന്‍സ് ക്ലബ്ബുകളുടെ ആഭിമുഖ്യത്തിലാണ് വിവിധ പരിപാടികളോടെ ഹിരോഷിമ ദിനം ആചരിച്ചത്.
ക്വിസ് മത്സരം, പെയന്റിങ്, പോസ്റ്റര്‍ മത്സരം, പ്ലക്കാര്‍ഡ് നിര്‍മാണം എന്നീ മത്സരങ്ങളാണ് സംഘടിപ്പിച്ചത്. സയന്‍സ് ക്ലബ്ബ് അംഗങ്ങള്‍ക്കായി ക്ലാസുകളും സംഘടിപ്പിച്ചു. ബ്രേക്ക് ത്രൂ സയന്‍സ് സൊസൈറ്റി കോട്ടയം ആണ് ഫോട്ടോ പ്രദര്‍ശനം സംഘടിപ്പിച്ചത്. സൊസൈറ്റി സെക്രട്ടറി പ്രൊഫ പി.എന്‍ തങ്കച്ചന്‍ (റിട്ട. അസോസിയേറ്റ് പ്രൊഫസര്‍ ആര്‍.ഐ.ടി പാമ്പാടി) ക്ലാസുകള്‍ നയിച്ചു. റെയ്ച്ചല്‍ പി. വര്‍ഗീസ്, മെറിസ് മേരി ജോസഫ്, ഹെഡ്മിസ്ട്രസ് സുജ റെയ്ച്ചല്‍ ജോണ്‍ എന്നിവര്‍ പരിപാടികള്‍ക്കു നേതൃത്വം നല്‍കി.