ബദിയടുക്ക: കാറഡുക്ക പെരിയടുക്ക വനമേഖലയില്‍ പ്രവര്‍ത്തിക്കുന്ന വാറ്റു കേന്ദ്രത്തില്‍ എക്‌സൈസ് സംഘം പരിശോധന നടത്തി.
15 ലിറ്റര്‍ വാഷ് കണ്ടെത്തി. സംഭവവുമായി ബന്ധപ്പെട്ട് തൈവളപ്പിലെ കുട്ടന്‍ എന്ന വിനോദി (23)നെ അറസ്റ്റ് ചെയ്തു. അനധികൃത ചാരായ വില്‍പന നടക്കുന്നുണ്ടെന്ന രഹസ്യ വിവരത്തെ തുടര്‍ന്നു കാസര്‍കോട് എക്‌സൈസ് ഇന്‍സ്‌പെക്ടര്‍ മധുസൂദനന്‍ പിള്ള, ബദിയടുക്ക റെയ്ഞ്ച് ഇന്‍സ്‌പെക്ടര്‍ ജി കൃഷ്‌ണേന്ദ്രന്‍ എന്നിവരുടെ നേതൃത്വത്തിലായിരുന്നു പരിശോധന.