പാനൂര്‍: പ്രവാചകന്‍ മുഹമ്മദ് നബിയും അവിടുത്തെ സ്വഹാബത്തും കാണിച്ചുതന്ന യഥാര്‍ഥ ചര്യകള്‍ ജീവിതത്തില്‍ പകര്‍ത്തണമെന്നും ആ പൈതൃകങ്ങള്‍ നാം കാത്തുസൂക്ഷിക്കണമെന്നും അബുദാബി ബ്രിട്ടീഷ് സ്‌കൂള്‍ ഇസ്‌ലാമിക് സ്റ്റഡീസ് വിഭാഗം മേധാവി സിംസാറുല്‍ ഹഖ് ഹുദവി. പാനൂര്‍ ഹൈസ്‌കൂള്‍ ഗ്രൗണ്ടില്‍ കിഴക്കെ ചമ്പാട് ഒ.പി കുഞ്ഞമ്മദ് ഹാജി മെമ്മോറിയല്‍ ട്രസ്റ്റ് രണ്ടാംവാര്‍ഷിക ദ്വിദിന മത പ്രഭാഷണത്തില്‍ സംസാരിക്കുകയായിരുന്നു അദ്ദേഹം.
ഇസ്‌ലാമിന്റെ ആരംഭകാലത്ത് തന്നെ അതിന്റെ യഥാര്‍ഥ രീതി കേരളത്തില്‍ എത്തിയിട്ടുണ്ടെന്നും അതുകൊണ്ടുതന്നെ ആ പൈതൃകങ്ങള്‍ കാത്തുസൂക്ഷിക്കാന്‍ നാം ബാധ്യസ്ഥരാണെന്നും സിംസാറുല്‍ ഹഖ് വ്യക്തമാക്കി.
സമസ്ത കേന്ദ്ര മുശാവറ അംഗം ടി.എസ് ഇബ്രാഹിംകുട്ടി മുസ്‌ലിയാര്‍ ഉദ്ഘാടനം ചെയ്തു. ഒ.പി റഫീഖ് ഹാജി അധ്യക്ഷനായി. എസ്.ബി.പി തങ്ങള്‍ പ്രാര്‍ഥനയ്ക്കു നേതൃത്വം നല്‍കി.
മദ്‌റസാ ഉന്നത വിജയികളെയും ഖുര്‍ആന്‍ മനപാഠമാക്കിയ വിദ്യാര്‍ഥികളെയും ആദരിച്ചു. പി.കെ ഷാഹുല്‍ ഹമീദ്, സ്വാദിഖ് ഇര്‍ഫാനി ഫൈസി, താജുദീന്‍ അഹ്‌സനി, കുറുവാളി മമ്മു ഹാജി, പി. സുലൈമാന്‍ ഹാജി, എന്‍.കെ.സി ഉമ്മര്‍, കെ.പി യൂസഫ് ഹാജി, നെല്ലൂര്‍ ഉസ്മാന്‍ ഹാജി, സമീര്‍ സഖാഫി പുല്ലൂക്കര, വി.കെ നാസര്‍ ഹാജി, പുളിക്കല്‍ മുഹമ്മദ്, ഒ.പി ഇല്യാസ്, ഒ.പി റഹീം, ഒ.പി ഷാനവാസ്, ഒ.പി ഷാഹിദ്, രിഫാഇ സംസാരിച്ചു. ഇന്നു രാത്രി ഏഴിന് സമാപനത്തില്‍ മുസ്തഫ ഹുദവി ആക്കോട് പ്രഭാഷണം നടത്തും.