കോഴിക്കോട്: തത്തയെ ചിറകും കാലും അരിഞ്ഞ് മൂലക്കിരുത്തിയതായി പ്രതിപക്ഷ നേതാവ് രമേശ് ചെന്നിത്തല. അവധിക്കുശേഷം ജോലിയില്‍ പ്രവേശിച്ച ഡി.ജി.പി ജേക്കബ് തോമസിന് സര്‍ക്കാര്‍ ജീവനക്കാര്‍ക്ക് വിദഗ്ധ പരിശീലനം നല്‍കുന്ന ഐ.എം.ജിയുടെ ഡയരക്ടറായി നിയമനം നല്‍കിയതിനെകുറിച്ച് പ്രതികരിക്കുകയായിരുന്നു അദ്ദേഹം.
തത്തയുടെ സ്ഥാനം എന്താണെന്നു ഇപ്പോള്‍ മനസിലായില്ലേ. എത്രത്തോളം മഹത്വവല്‍ക്കരിച്ചതാണ്. എന്തെല്ലാം വിശേഷങ്ങള്‍ ചേര്‍ത്താണ് മുഖ്യമന്ത്രി വിശേഷിപ്പിച്ചത് - ചെന്നിത്തല പറഞ്ഞു.