കൊല്ലം: ഹെല്‍മറ്റില്ലാതെ യാത്രചെയ്ത ഇരുചക്രവാഹനക്കാരന്റെ തലക്ക് പൊലിസ് വയര്‍െലസ് സെറ്റു കൊണ്ട് അടിച്ചു.
കുട്ടിയുമായി യാത്രചെയ്ത കൊല്ലം ആശ്രാമം സ്വദേശി സന്തോഷിനാണ് ഗുരുതരമായി പരുക്കേറ്റത്. സംഭവത്തെ തുടര്‍ന്ന് കൊല്ലം ആശ്രമത്ത് വന്‍ പ്രതിഷേധം. നാട്ടുകാര്‍ റോഡ് ഉപരോധിച്ചു. വാഹന പരിശോധനയ്ക്കിടെ പൊലിസ് സന്തോഷിന്റെ വാഹനം കൈകാണിച്ച് നിര്‍ത്തുകയായിരുന്നു. എന്നാല്‍, അല്‍പം മുന്നോട്ടാണ് ഇയാള്‍ ബൈക്ക് നിര്‍ത്തിയത്. തുടര്‍ന്ന് ഹെല്‍മറ്റില്ലെന്നു പറഞ്ഞ് പൊലിസ് വയര്‍ലെസ് കൊണ്ട് തലയ്ക്ക് അടിക്കുകയായിരുന്നുവെന്നാണ് റിപ്പോര്‍ട്ട്.
തുടര്‍ന്ന് സന്തോഷ് കുട്ടിയുമായി റോഡിലിരുന്നു പ്രതിഷേധിച്ചു. കൂടുതല്‍ പൊലിസ് എത്തിയാണ് ഇയാളെ ആശുപത്രിയിലേക്ക് മാറ്റിയത്. ചെവി്ക്ക് മുകളിലായാണ് സന്തോഷിന് പരുക്കേറ്റത.്