കരുനാഗപ്പള്ളി: ദേശീയപാത പുതിയകാവ് പൂച്ചക്കട ജങ്ഷനില്‍ കെ.എസ്.ആര്‍.ടി.സി ബസ് ബൈക്കിലിടിച്ചു യുവാവ് അത്ഭുതകരമായി രക്ഷപ്പെട്ടു. പുത്തന്‍തെരുവ് കുറുമ്പന്റയ്യത്ത് വീട്ടില്‍ ഹനീഫായുടെ മകന്‍ കബീര്‍ (45) ആണ് നിസാര പരുക്കോടെ രക്ഷപ്പെട്ടത്. ഇയാളെ കരുനാഗപ്പള്ളി താലൂക്കാശുപത്രിയില്‍ പ്രവേശിപ്പിച്ചു.
കരുനാഗപ്പള്ളിയില്‍ നിന്നും കായംകുളത്തേക്ക് പേകുകയായിരുന്ന കെ.എസ്.ആര്‍.ടി.സി ഫാസ്റ്റ് പാസഞ്ചര്‍ ബസിനടിയിലേക്കാണ് ബൈക്ക് ഇടിച്ചു കയറിയത്. ബൈക്കുകള്‍ തമ്മില്‍ കൂട്ടിയിടിച്ചു നിയന്ത്രണം വിട്ട് ബസിനടിയിലേക്ക് ഇടിച്ചു യുവാവും ബൈക്കും ബസിനടിയിലേക്ക് ഇടിച്ച് കയറുകയായിരുന്നു. അപകടത്തെത്തുടര്‍ന്ന് അരമണിക്കൂറോളം ദേശീയപാതയില്‍ ഗതാഗതം തടസപ്പെട്ടു. വിവരം അറിഞ്ഞെത്തിയ കരുനാഗപ്പള്ളി പൊലിസ് വാഹനം റോഡില്‍ നിന്നും നീക്കിയാണ് ഗതാഗതം പുനഃസ്ഥാപിച്ചത്.