തൂനിസ്: തുനീഷ്യയിലെ പ്രസിഡന്റ് തെരഞ്ഞെടുപ്പില്‍ 72.71 ശതമാനം വോട്ട് നേടി നിയമ പ്രഫസര്‍ ഖൈസ് സഈദ് അധികാരത്തിലേക്ക്. എതിരാളി നബീല്‍ കരോയിക്ക് 10 ലക്ഷം വോട്ട് ലഭിച്ചപ്പോള്‍ ഖൈസിന് 27 ലക്ഷം വോട്ട് ലഭിച്ചതായി തെരഞ്ഞെടുപ്പു കമ്മിഷന്‍ അറിയിച്ചു. പ്രചാരണകാലത്ത് ജയിലിലായിരുന്ന കോടീശ്വരന്‍ നബീല്‍ തോല്‍വി സമ്മതിച്ചു.
യാതൊരു രാഷ്ട്രീയ പരിചയസമ്പത്തുമില്ലാത്ത 61കാരനായ ഖൈസ് സ്വതന്ത്ര സ്ഥാനാര്‍ഥിയായാണ് മല്‍സരിച്ചത്. അഴിമതിക്കെതിരെ ശക്തമായ നടപടി സ്വീകരിക്കുമെന്ന് ഉറപ്പു നല്‍കിയാണ് അദ്ദേഹം വോട്ട് തേടിയത്.