തിരുവനന്തപുരം: വിനോദസഞ്ചാര വകുപ്പ് സംഘടിപ്പിച്ച ഓണം വാരാഘോഷത്തിന്റെ ഉദ്ഘാടന ചടങ്ങ് പാര്‍ട്ടി ചാനലില്‍ കാണിക്കാനും ഖജനാവില്‍നിന്നു പണം.

ഓണം വാരാഘോഷത്തിന്റെ ഉദ്ഘാടനം നടന്നു കഴിഞ്ഞ സെപ്റ്റംബര്‍ പത്തിന് കനകക്കുന്ന് കൊട്ടാരത്തിലും നിശാഗന്ധി ഓഡിറ്റോറിയത്തിലുമായി നടന്ന പരിപാടികള്‍ കൈരളി ടി.വിയില്‍ സംപ്രേഷണം ചെയ്തതിനാണ് പണം അനുവദിച്ചത്. മിനുട്ടിന് 10,498 രൂപ നിരക്കില്‍ 500 മിനുട്ട് പരസ്യം നല്‍കിയതിന് 5,24,900 രൂപ അനുവദിക്കുകയായിരുന്നു.

സംസ്ഥാനം കടുത്ത സാമ്പത്തിക പ്രതിസന്ധി നേരിടുമ്പോള്‍ കോടികള്‍ മുടക്കി ഓണാഘോഷം സംഘടിപ്പിക്കുന്നതിനെ വിമര്‍ശനം ഉയര്‍ന്നിരുന്നു. അതിനിടെയാണ് പാര്‍ട്ടി ചാനലില്‍ പരിപാടി സംപ്രേഷണം ചെയ്യുന്നതിനായി ലക്ഷങ്ങള്‍ അനുവദിച്ചതായ വിവരങ്ങള്‍ ഇപ്പോള്‍ പുറത്തുവരുന്നത്.