തൃശൂര്‍: ശമ്പള വര്‍ധന ആവശ്യപ്പെട്ട് തൃശൂരിലെ നഴ്‌സുമാര്‍ നടത്തിവന്നിരുന്ന സമരം അവസാനിപ്പിച്ചു. മന്ത്രിമാരായ എ.സി മൊയ്തീന്‍, വി.എസ് സുനില്‍കുമാര്‍ എന്നിവര്‍ ഇടപെട്ട് ചര്‍ച്ച ചെയ്തതോടെയാണ് സമരം അവസാനിപ്പിച്ചത്.

സമരം നടത്തിയ എട്ട് സ്വകാര്യ ആശുപത്രികളിലെ നഴ്‌സുമാര്‍ക്ക് ഇടക്കാല ആശ്വാസമായി അടിസ്ഥാന ശമ്പളത്തിന്റെ 50 ശതമാനം നല്‍കും. ശമ്പളം വര്‍ധിപ്പിക്കുന്നതു വരെ ഇടക്കാല ആശ്വാസം നല്‍കാനാണ് ധാരണയയായത്.

തിരുവനന്തപുരത്തായിരുന്നു ചര്‍ച്ച. മാനേജ്‌മെന്റ് ഇടപെട്ട് സമവായത്തിലായില്ലെങ്കില്‍ സര്‍ക്കാര്‍ ഇടപെടും. സര്‍ക്കാര്‍ ഇടപെട്ട് മിനിമം വേതനം നിശ്ചയിക്കാനും യോഗത്തില്‍ തീരുമാനമായി.