തിരുവനന്തപുരം: കേരളാ ആരോഗ്യ സര്‍വകലാശാല അത്‌ലറ്റിക് മത്സരങ്ങള്‍ നാളെ ആരംഭിക്കും. ആരോഗ്യ സര്‍വകലാശാലയുടെ കീഴിലുള്ള മെഡിക്കല്‍, ആയുര്‍വേദ, ഡെന്റല്‍, ഹോമിയോ, നഴ്‌സിങ് കോളജുകളില്‍ നിന്നായി ആയിരത്തിലധികം വിദ്യാര്‍ഥികള്‍ മത്സരങ്ങളില്‍ പങ്കെടുക്കും. തിരുവനന്തപുരംമെഡിക്കല്‍ കോളജിന്റെ ആഭിമുഖ്യത്തില്‍ പാളയം യൂനിവേഴ്‌സിറ്റി സ്റ്റേഡിയത്തിലാണ് മത്സരങ്ങള്‍ സംഘടിപ്പിച്ചിരിക്കുന്നത്. രണ്ടു ദിവസങ്ങളിലായി നടക്കുന്ന മത്സരങ്ങളുടെ ഔദ്യോഗിക ഉദ്ഘാടനം നാളെ വൈകിട്ട് നാലു മണിക്ക് ആരോഗ്യ സര്‍വകലാശാല വൈസ് ചാന്‍സലര്‍ ഡോ എം.കെ.സി നായര്‍ നിര്‍വഹിക്കും. ഡോ.എ.കെ മനോജ് കുമാര്‍ അധ്യക്ഷത വഹിക്കുന്ന ചടങ്ങില്‍ ഒളിംപ്യന്‍ രാമചന്ദ്രന്‍, മെഡിക്കല്‍ കോളജ് പ്രിന്‍സിപ്പല്‍ ഡോ.തോമസ് മാത്യു, ഡോ. കെ ശശികല, വി.ജി വിവേക് ജിത്ത്, ഡോ. സുജനേഷ് കെ ദാസ് എന്നിവര്‍ പങ്കെടുക്കും. രാവിലെ ആറു മണി മുതല്‍ മത്സരങ്ങള്‍ ആരംഭിക്കും. മത്സരങ്ങളുടെ രജിസ്‌ട്രേഷന്‍ ഇന്നുച്ചയ്ക്ക് രണ്ടു മുതല്‍ യൂനിവേഴ്‌സിറ്റി സ്റ്റേഡിയത്തില്‍ തുടങ്ങും.