മക്ക: മക്കയിലെ കിംഗ് ഖാലിദ് റോഡില്‍ അല്‍മുഅയ്‌സിമില്‍ മലകള്‍ക്കിടയില്‍ രണ്ടു തീര്‍ത്ഥാടകരുടെ മൃതദേഹങ്ങള്‍ അഴുകിയ നിലയില്‍ കണ്ടെത്തി. മൃതദേഹങ്ങള്‍ കണ്ട സ്വദേശി പൗരന്‍ സുരക്ഷാ വകുപ്പുകളെ വിവരമറിയിക്കുകയായിരുന്നു. അല്‍ശറായിഅ് പോലീസ് സ്റ്റേഷനില്‍ നിന്നുള്ള ഉദ്യോഗസ്ഥരും

പട്രോള്‍ പോലീസും ഹജ്, ഉംറ മന്ത്രാലയ പ്രതിനിധിയും സ്ഥലത്തെത്തി പ്രാഥമികാന്വേഷണങ്ങള്‍ നടത്തി മേല്‍നടപടികള്‍ സ്വീകരിച്ചു. ഹജ്ജിനെത്തിയ തീര്‍ത്ഥാടകരാണെന്നാണ് കരുതുന്നത്. കിഴക്കനേഷ്യന്‍ രാജ്യത്തു നിന്നും അറബ് രാജ്യത്തു നിന്നുമുള്ള വയോധികരായ തീര്‍ഥാടകരുടെ മൃതദേഹങ്ങളാണെന്ന് തിരിച്ചറിഞ്ഞിട്ടുണ്ട്.