പരപ്പനങ്ങാടി: വാടക റൂമില്‍ തലപൊട്ടി ചോരവാര്‍ന്നു കിടന്ന യുവാവിനെ പരപ്പനങ്ങാടി പൊലിസ് മെഡിക്കല്‍ കോളജ് ആശുപത്രിയിലെത്തിച്ചു. പരപ്പനങ്ങാടി കെ.പി.എച്ച് റോഡിലുള്ള വാടക റൂമില്‍ ഇന്നലെ വൈകിട്ടാണ് യുവാവ് ചോരവാര്‍ന്നു കിടക്കുന്ന വിവരം നാട്ടുകാരുടെ ശ്രദ്ധയില്‍പെട്ടത്.

ഉടനെ പരപ്പനങ്ങാടി പൊലിസിനെ വിവരമറിയിക്കുകയായിരുന്നു. ഫറോക്ക് നല്ലൂര്‍ സ്വദേശി വട്ടേങ്ങാട്ട് പ്രവീണാ (31) ണ് പരുക്കേറ്റു കിടന്നിരുന്നത്. പെയിന്റിങ് തൊഴിലാളിയായ ഇയാള്‍ രണ്ടാഴ്ചയായി വാടകമുറിയില്‍ ഉണ്ടായിരുന്നതായി പൊലിസ് പറഞ്ഞു.