പാലക്കാട്: തിരുവേഗപ്പുറ കാരമ്പത്തൂരില്‍ സോഫ കമ്പനിക്ക് തീപിടിച്ചു. രാവിലെ ആറ് മണിയോടെ സമീപവാസികളാണ് പുക ഉയരുന്നത് ആദ്യം കണ്ടത്. പട്ടാമ്പി അഗ്നരക്ഷാസേന എത്തി തീ നിയന്ത്രണവിധേയമാക്കിയിട്ടുണ്ട്. സംഭവം നടക്കുമ്പോള്‍  കെട്ടിടത്തിനുള്ളില്‍ ആളുകള്‍ ആരും ഉണ്ടായിരുന്നില്ല.

ഇതിനാല്‍ വലിയ രീതിയിലുള്ള നാശനഷ്ടം ഉണ്ടായിട്ടുണ്ടോ എന്ന കാര്യവും പരിശോധിച്ച് വരുകയാണ്. ഷോര്‍ട്ട് സര്‍ക്യൂട്ടാവാം തീപിടിത്തത്തിന് കാരണമെന്നാണ് പ്രാഥമിക നിഗമനം. കൊപ്പം പൊലിസും സ്ഥലത്തെത്തിയിട്ടുണ്ട്.