വേങ്ങര: മണ്ഡലം മുസ്‌ലിം യൂത്ത് ലീഗ് വെളിച്ചം തേടി ഗുരുസന്നിധിയില്‍ കാംപയിന്റെ ഭാഗമായി പ്രമുഖ പണ്ഡിതന്‍ സി.എച്ച് ബാപ്പുട്ടി മുസ്‌ലിയാരുടെ സന്നിധിയിലെത്തി. ലീഗ് രാഷ്ട്രീയത്തിന്റെ പൂര്‍വ സ്മരണകള്‍ ബാപ്പുട്ടി മുസ്‌ലിയാര്‍ പങ്കുവച്ചു. 

ശിഹാബ് തങ്ങളുമായുള്ള സ്‌നേഹ ബന്ധത്തിന്റെ ഓര്‍മയ്ക്ക് മക്കളായ ബഷീറലി തങ്ങളും മുനവ്വറലി തങ്ങളും പിതാവിന്റെ ഗ്രന്ഥശേഖരം ഉസ്താദിന്റെ നേതൃത്വത്തില്‍ നടക്കുന്ന സബീലുല്‍ ഹിദായ അറബിക കോളേജിന് കൈമാറിയിരുന്നു.
പ്രാര്‍ഥനയോടെയാണ് ചടങ്ങ് സമാപിച്ചത്. ടി അബ്ദുല്‍ ഹഖ് അധ്യക്ഷനായി. യൂത്ത് ലീഗ് ജില്ലാ പ്രസിഡന്റ് അന്‍വര്‍ മുള്ളമ്പാറ, ശരീഫ് കുറ്റൂര്‍, എം.എം കുട്ടി മൗലവി, ടി.പി അഷ്‌റഫ്, പി.കെ റഷീദ്, പൂക്കുത്ത് മുജീബ്, ജഅഫര്‍ ഓടക്കല്‍, എം.കെ നാസര്‍, അസീസ് മാടഞ്ചേരി, നൗഫല്‍ മമ്പീതി, ഇ.വി ഷാനവാസ്, ടി ഫസലുറഹ്മാന്‍, പി.എ ജവാദ് സംസാരിച്ചു.