അന്തര്‍സര്‍വകലാശാല വെയ്റ്റ്‌ലിഫ്റ്റിങ് ബോഡി ബില്‍ഡിങ് ചാംപ്യന്‍ഷിപ് നാളെ തുടങ്ങും

backup

November 15 2018 | 18:11 PM

%e0%b4%85%e0%b4%a8%e0%b5%8d%e0%b4%a4%e0%b4%b0%e0%b5%8d%e2%80%8d%e0%b4%b8%e0%b4%b0%e0%b5%8d%e2%80%8d%e0%b4%b5%e0%b4%95%e0%b4%b2%e0%b4%be%e0%b4%b6%e0%b4%be%e0%b4%b2-%e0%b4%b5%e0%b5%86%e0%b4%af%e0%b5%8d

തേഞ്ഞിപ്പലം: അഖിലേന്ത്യാ അന്തര്‍സര്‍വകലാശാല വെയ്റ്റ്‌ലിഫ്റ്റിങ്, ബോഡിബില്‍ഡിങ് ചാംപ്യന്‍ഷിപ് കാലിക്കറ്റ് കായികവിഭാഗത്തിന്റെ നേതൃത്വത്തില്‍ നാളെ മുതല്‍ 20 വരെ നടക്കും.
വെയ്റ്റ്‌ലിഫ്റ്റിങ് കാലിക്കറ്റ് സര്‍വകലാശാല ഇന്‍ഡോര്‍ സ്‌റ്റേഡിയത്തില്‍വച്ച് പത്തു വിഭാഗം മത്സരങ്ങള്‍ നാലുദിവസങ്ങളിലായാണ് നടത്തുന്നത്. 17ന് 11 മണിമുതല്‍ 55 കിലോഗ്രാം, 61 കിലോഗ്രാം വിഭാഗങ്ങളും 18 ന് ഒന്‍പത് മണിമുതല്‍ 67 കിലോഗ്രാം ,73 കിലോഗ്രാം, 81 കിലോഗ്രാം മത്സരവിഭാഗങ്ങളും 19 ന് രാവിലെ ഒന്‍പത് മുതല്‍ 89 കിലോഗ്രാം, 96 കിലോഗ്രാം, 102 കിലോഗ്രാം മത്സരങ്ങളും 20 നു രാവിലെ 9 മുതല്‍ 109 കിലോഗ്രാമിലും അതിനുമുകളിലുള്ള മത്സരവിഭാഗങ്ങളും നടക്കും.
നൂറോളം സര്‍വകലാശാലകളില്‍ നിന്നായി 400 മത്സരാര്‍ഥികള്‍ പങ്കെടുക്കുന്ന ചാംപ്യന്‍ഷിപ്പിന്റെ വിജയകരമായ നടത്തിപ്പിന് മികച്ച സൗകര്യങ്ങളാണ് സര്‍വകലാശാല ഒരുക്കിയിരിക്കുന്നത്. മത്സരയിനമായ ബോഡിബില്‍ഡിങ് മത്സരങ്ങള്‍ ഇ.എം.ഇ.എ കോളജ് കൊണ്ടോട്ടിയില്‍വച്ച് 17 മുതല്‍ 19 വരെ വൈകിട്ട് 5 മുതല്‍ വിവിധ വിഭാഗങ്ങളിലായി നടത്തും .
കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ ഉദ്ഘാടനം ചെയ്യും. കശ്മിര്‍ സര്‍വകലാശാല വൈസ് ചാന്‍സലര്‍ പ്രൊഫ. താലത് അഹമ്മദ് മുഖ്യാതിഥിയാവും.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."