ന്യൂഡല്‍ഹി: ക്രിക്കറ്റില്‍ പാക് ടീമിന്റെ വിജയം ആഘോഷിക്കുന്നവര്‍ പാകിസ്താനിലേക്കു പോകണമെന്ന് ദേശീയ ന്യൂനപക്ഷ കമ്മിഷന്‍ അധ്യക്ഷന്‍ ഖൈറുല്‍ ഹസന്‍ റിസ്‌വി. ചാംപ്യന്‍സ് ട്രോഫി ക്രിക്കറ്റ് മത്സരത്തിന്റെ ഫൈനലില്‍ ഇന്ത്യയെ പരാജയപ്പെടുത്തിയ പാക് ടീമിനെ അനുകൂലിച്ച് രാജ്യത്തിന്റെ വിവിധ ഭാഗങ്ങളില്‍ നിരവധി പേരെ അറസ്റ്റ് ചെയ്തിരുന്നു. ഇതുമായി ബന്ധപ്പെട്ട്  മാധ്യമപ്രവര്‍ത്തകരുടെ ചോദ്യത്തിന് മറുപടിയായാണ് റിസ്‌വി ഇത്തരത്തില്‍ പ്രതികരിച്ചത്.