ദുബൈ: അ@ണ്ടര്‍ 19 ലോകകപ്പ് ക്രിക്കറ്റ് ടൂര്‍ണമെന്റിന്റെ ഫിക്‌സ്ചര്‍ പ്രഖ്യാപിച്ചു. ജനുവരി 17 മുതല്‍ ഫെബ്രുവരി 10 വരെ ദക്ഷിണാഫ്രിക്കയിലാണ് ടൂര്‍ണമെന്റ് നടക്കുന്നത്. ആതിഥേയരായ ദക്ഷിണാഫ്രിക്കയും അഫ്ഗാനിസ്താനും തമ്മിലാണ് ഉദ്ഘാടന മത്സരം.
നിലവിലെ ചാംപ്യന്‍മാരായ ഇന്ത്യയുടെ ആദ്യ മത്സരം 19ന് അയല്‍ക്കാരായ ശ്രീലങ്കയ്‌ക്കെതിരേയാണ്. നൈജീരിയയും ജപ്പാനും ആദ്യമായി ഐ.സി.സി ടൂര്‍ണമെന്റില്‍ കളിക്കുന്നുവെന്ന പ്രത്യേകത കൂടി ഈ ലോകകപ്പിനു@ണ്ട്. ന്യൂസിലന്‍ഡ്, ശ്രീലങ്ക, ജപ്പാന്‍ എന്നിവര്‍ക്കൊപ്പം ഗ്രൂപ്പ് എയിലാണ് ഇന്ത്യയുടെ സ്ഥാനം. ഗ്രൂപ്പ് ബിയില്‍ ആസ്‌ത്രേലിയ, ഇംഗ്ല@ണ്ട്, വെസ്റ്റ് ഇന്‍ഡീസ്, നൈജീരിയ എന്നിവരും സിയില്‍ പാകിസ്താന്‍, ബംഗ്ലാദേശ്, സിംബാബ്‌വെ, സ്‌കോട്ട്‌ലന്‍ഡ് എന്നിവരും ഡിയില്‍ ദക്ഷിണാഫ്രിക്ക, അഫ്ഗാനിസ്താന്‍, യു.എ.ഇ, കാനഡ എന്നിവരും മാറ്റുരയ്ക്കും.
2018 ല്‍ ന്യൂസിലന്‍സില്‍ നടന്ന ടൂര്‍ണമെന്റില്‍ പൃഥ്വി ഷാ നയിച്ച ഇന്ത്യയായിരുന്നു കിരീടം ചൂടിയത്. ഫൈനലില്‍ ആസ്‌ത്രേലിയയെ പരാജയപ്പെടുത്തിയാണ് ഇന്ത്യ കിരീടം സ്വന്തമാക്കിയത്.
ടൂര്‍ണമെന്റില്‍ ഏറ്റവുമധികം തവണ ചാംപ്യന്മാരായ ടീമെന്ന റെക്കോര്‍ഡ് ഇന്ത്യയുടെ പേരിലാണ്. നാലു തവണയാണ് ഇന്ത്യ ജൂനിയര്‍ ലോകകപ്പില്‍ വിജയികളായത്.