കണ്ണൂര്‍: കേരള ഗ്രാമപഞ്ചായത്ത് അസോസിയേഷന്‍ ജില്ലാ പ്രസിഡന്റായി കേളകം ഗ്രാമപഞ്ചായത്ത് പ്രസിഡന്റ് മൈഥിലി രമണനെ തെരഞ്ഞെടുത്തു. പെരളശ്ശേരി  ഗ്രാമപഞ്ചായത്ത് പ്രസിഡന്റ് എ.കെ ചന്ദ്രനാണ് സെക്രട്ടറി. ബേബി ഓടമ്പള്ളി, മുഹമ്മദലി (വൈസ് പ്രസിഡന്റുമാര്‍). ഇ.പി ബാലകൃഷ്ണന്‍, ഷിജി നടുപറമ്പില്‍ (ജോ.സെക്ര.) എന്നിവരെയും ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേര്‍ന്ന ജില്ലാ സമ്മേളനം തെരഞ്ഞെടുത്തു.  ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. അസോസിയേഷന്‍ സംസ്ഥാന സെക്രട്ടറി കെ നാരായണന്‍ അധ്യക്ഷനായി. സംസ്ഥാന പ്രസിഡന്റ് അഡ്വ. തുളസീഭായ്, അഡ്വ. വിശ്വംഭര പണിക്കര്‍, തോമസ് വക്കത്താനം സംസാരിച്ചു.