തിരുവനന്തപുരം:ബി.ജെ.പി സംസ്ഥാന ജനറല്‍ സെക്രട്ടറി കെ.സുരേന്ദ്രന്റെ അറസ്റ്റില്‍ പ്രതിഷേധിച്ച് സംസ്ഥാന വ്യാപകമായി ബി.ജെ.പി റോഡ് ഉപരോധിക്കുന്നു. നാമജപത്തോടെ ദേശീയപാതകളില്‍ കുത്തിയിരുന്നാണ് ബി.ജെ.പിയുടെ പ്രതിഷേധം.

ദര്‍ശനത്തിന് എത്തിയ സുരേന്ദ്രനേയും സംഘത്തേയും നിലക്കലില്‍ വച്ചാണ് എസ്.പി യതീശ് ചന്ദ്രയുടെ നേതൃത്വത്തിലുള്ള പൊലിസ് സംഘം ഇന്നലെ വൈകിട്ട് ആറോടെ തടഞ്ഞത്. പൊലിസും സുരേന്ദ്രനും തമ്മില്‍ ശക്തമായ വാഗ്വാദമുണ്ടായി. തിരികെ പോകില്ലെന്ന് സുരേന്ദ്രന്‍ നിലപാടെടുത്തതോടെ പൊലിസ് കസ്റ്റഡിയിലെടുക്കുകയായിരുന്നു.