തിരുവനന്തപുരം: ദേവസ്വം മന്ത്രി കടകംപള്ളി സുരേന്ദ്രന്‍ പങ്കെടുത്ത ചടങ്ങില്‍ പ്രതിഷേധവുമായി ബി.ജെ.പി പ്രവര്‍ത്തകര്‍. തിരുവനന്തപുരം കോര്‍പറേഷന്റെ വികസന പരിപാടിയുമായി ബന്ധപ്പെട്ട് പട്ടം സെന്റ് മേരീസ് കോളേജില്‍ നടത്തിയ പരിപാടിക്ക് മന്ത്രി എത്തിയപ്പോഴാണ് പ്രതിഷേധവുമായി ബി.ജെ.പി പ്രവര്‍ത്തകര്‍ എത്തിയത്. മന്ത്രിയ്ക്കു നേരെ പ്രവര്‍ത്തകര്‍ കരിങ്കൊടി കാണിച്ചു.

സ്റ്റേജിലേക്ക് ഓടിക്കയറിയ ബി.ജെ.പി കൗണ്‍സിലര്‍മാരെ പൊലിസ് ബലം പ്രയോഗിച്ച് നീക്കി. മുദ്രാവാക്യം വിളിച്ച് പ്രവര്‍ത്തകര്‍ ഏറെനേരം പ്രതിഷേധിച്ചു.