മിലാന്‍: യുവേഫ നാഷന്‍സ് ലീഗില്‍ അസൂറിപ്പടയും പറങ്കിപ്പടയും തമ്മില്‍ നടന്ന മത്സരം ഗോള്‍രഹിത സമനിലയില്‍ അവസാനിച്ചു. ഇറ്റലിയുമായി സമനില പാലിച്ചതോടെ പോര്‍ച്ചുഗല്‍ യുവേഫ നാഷന്‍സ് ലീഗിന്റെ സെമി ഫൈനലില്‍ പ്രവേശിച്ചു. മത്സരം ഇറ്റലിയുടെ തട്ടകത്തിലായിരുന്നിട്ടും പോര്‍ച്ചുഗലിനെ വെട്ടിച്ച് ഗോള്‍നേടാന്‍ ഇറ്റലിക്കായില്ല. ഇതോടെ ലീഗില്‍ ആദ്യമായി സെമിയില്‍ പ്രവേശിക്കുന്ന ടീമായി പോര്‍ച്ചുഗല്‍. മികച്ച അവസരങ്ങള്‍ ലഭിച്ചിട്ടും ഫിനിഷിങിലെ പോരായ്മയാണ് ഇറ്റലിയുടെ വിജയം നിഷേധിച്ചത്.
ലീഗ് എയിലെ ഗ്രൂപ്പ് മൂന്നില്‍ മൂന്ന് മത്സരങ്ങളില്‍നിന്ന് രണ്ടണ്ട് ജയവും ഒരു സമനിലയും ഉള്‍പ്പെടെ ഏഴ് പോയിന്റുമായാണ് പോര്‍ച്ചുഗല്‍ അവസാന നാലിലേക്ക് മുന്നേറിയത്. നാല് മത്സരങ്ങളില്‍ നിന്ന് അഞ്ച് പോയിന്റുമായി ഇറ്റലി രണ്ടണ്ടാം സ്ഥാനത്താണ്.
ലീഗ് ബിയിലേക്ക് തരംതാഴ്ത്തപ്പെട്ട പോളണ്ടണ്ടിന് മൂന്ന് മത്സരങ്ങളില്‍നിന്ന് ഒരു പോയിന്റ് മാത്രമാണുള്ളത്. പോര്‍ച്ചുഗലും പോളണ്ടണ്ടും തമ്മിലുള്ള ഒരു മത്സരം കൂടി ഗ്രൂപ്പില്‍ ബാക്കിയുണ്ട്. ടൂര്‍ണമെന്റിലെ മറ്റു മത്സരങ്ങളില്‍ റൊമാനിയ 3-0ന് ലിത്വാനിയയെയും സ്‌കോട്ട്‌ലന്‍ഡ് 4-0ന് അല്‍ബേനിയയെയും സ്വീഡന്‍ 1-0ന് തുര്‍ക്കിയെയും സെര്‍ബിയ 2-1ന് മോണ്ടണ്ടെനെഗ്രോയെയും അസര്‍ബയ്ജാന്‍ 2-0ന് ഫറോ ഐസ്‌ലാന്‍ഡിനെയും കൊസോവ 5-0ന് മാള്‍ട്ടയെയും തോല്‍പ്പിച്ചു.
ഇന്ന് നടക്കുന്ന മത്സരത്തില്‍ രാത്രി 1.15ന് ജര്‍മനി ഹോളണ്ടുമായി കൊമ്പുകോര്‍ക്കും. തുടര്‍ച്ചയായ പരാജയങ്ങളെ തുടര്‍ന്ന് ലീഗ് ബിയിലേക്ക് തരംതാഴ്ത്തപ്പെട്ട ടീമാണ് ജര്‍മനി. ചെക്ക്‌റിപ്പബ്ലിക്-സ്‌ലോവാക്യ, ഡെന്‍മാര്‍ക്ക്-ഐയര്‍ലന്റ് എന്നീ മത്സരങ്ങളും ഇന്ന് നടക്കും.
ലീഗ് എ യിലെ ഗ്രൂപ്പ് 4ല്‍ നടന്ന മത്സരത്തില്‍ ഇംഗ്ലണ്ട് 2-1 എന്ന സ്‌കോറിന് ക്രൊയേഷ്യയെ പരാജയപ്പെടുത്തി. 57-ാം മിനുട്ടില്‍ ക്രാമറിച്ചാണ് ആദ്യം ഗോള്‍ നേടി ക്രൊയേഷ്യക്ക് ലീഡ് സമ്മാനിച്ചത്. 78-ാം മിനുട്ടില്‍ ലിംഗാര്‍ഡ് ഗോള്‍ കണ്ടെത്തി ഇംഗ്ലണ്ടിനെ ഒപ്പമെത്തിച്ചു. 85-ാം മിനുട്ടില്‍ ഇംഗ്ലീഷ് നായകന്‍ ഹാരി കെയ്‌നും ഗോള്‍ നേടി ഇംഗ്ലീഷ് പടക്ക് വിജയം സമ്മാനിക്കുകയായിരുന്നു.