പനമരം: കൈതക്കല്‍ മഹല്ലിന് കീഴിലുള്ള കാപ്പുംചാല്‍ മസ്ജിദില്‍ ജുമുഅ നമസ്‌കാരം ആരംഭിച്ചു. പാണക്കാട് അബ്ബാസലി ശിഹാബ് തങ്ങള്‍ നമസ്‌ക്കാരത്തിന് നേതൃത്വം നല്‍കി. മഹല്ല് സെക്രട്ടറി കെ മൊയ്തീന്‍ മാസ്റ്റര്‍ അധ്യക്ഷനായി. ഖത്തീബ് അബ്ദുല്‍ ഖാദര്‍ ബാഖവി ജുമുഅ ഖുതുബ നിര്‍വഹിച്ചു. പിണങ്ങോട് അബൂബക്കര്‍ മുഖ്യപ്രഭാഷണം നടത്തി. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, ഡബ്ല്യു.എം.ഒ സെക്രട്ടറി എം.എ മുഹമ്മദ് ജമാല്‍, മഹല്ല് പ്രസിഡന്റ് പിലാക്കണ്ടി ഇബ്രാഹിം ഹാജി, വിവിധ മഹല്ല് കമ്മിറ്റി പ്രതിനിധികള്‍ ചടങ്ങില്‍ പങ്കെടുത്തു.