കോഴിക്കോട്: ശബരിമല വിഷയത്തില്‍ സര്‍ക്കാര്‍ വിശ്വാസികള്‍ക്കൊപ്പമാണെന്ന് മുഖ്യമന്ത്രി പിണറായി വിജയന്‍ പറഞ്ഞു. ശബരിമലയില്‍ പ്രശ്‌നമുണ്ടാക്കാന്‍ ആര്‍.എസ്.എസ് പദ്ധതിയിട്ടിരുന്നെന്നും സംഘര്‍ഷം സൃഷ്ടിക്കാന്‍ ചിലര്‍ മന:പ്പൂര്‍വം ശബരിമലയില്‍ എത്തിയെന്നും മുഖ്യമന്ത്രി കൂട്ടിച്ചേര്‍ത്തു. കോഴിക്കോട് സംഘടിപ്പിച്ച കെ.യു.ഡബ്ല്യു.ജെ സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

സുപ്രീം കോടതിയുടെ വിധി നടപ്പിലാക്കുക എന്നതു മാത്രമേ സര്‍ക്കാരിന് ചെയ്യാനുള്ളൂ.ഇന്നലെ സന്നിധാനത്ത് പ്രശ്‌നമുണ്ടാക്കാന്‍ തീരുമാനിച്ച് നേരത്തെതന്നെ ആര്‍എസ്എസ് സംഘം അവിടെ എത്തിയിരുന്നു. അവര്‍ അയ്യപ്പ ഭക്തരായിരുന്നില്ല.