കറാച്ചി: പാക്കിസ്ഥാനിലെ കറാച്ചിയില്‍ ആയിരത്തോളം നായ്ക്കളെ കൊന്നൊടുക്കി. തെരുവുനായകളുടെ എണ്ണം ക്രമാതീതമായി വര്‍ധിച്ചതോടെയാണ് നായകളെ കൊല്ലാന്‍ അധികൃതര്‍ തീരുമാനിച്ചത്.

മൃഗസംരക്ഷണ പ്രവര്‍ത്തകരുടെ ശക്തമായ പ്രതിഷേധത്തെ അവഗണിച്ചാണ് അധികൃതരുടെ നടപടി. വര്‍ഷം തോറും ആയിരക്കണക്കിന് ആളുകള്‍ക്കാണ് തെരുവുനായകളുടെ കടിയേല്‍ക്കുന്നത.

തെരുവുനായ് ഉന്മൂലന പരിപാടി ഈയാഴ്ച പൂര്‍ത്തിയാകും. ഇതുവരെ ആയിരത്തോളം നായ്ക്കളെ കൊന്നതായാണ് കണക്ക്. കോഴിയിറച്ചിയില്‍ വിഷഗുളിക ചേര്‍ത്താണ് നായ്ക്കളെ കൊല്ലുന്നത്. മുന്‍സിപാലിറ്റി തൊഴിലാളികള്‍ ഇവ നീക്കം ചെയ്യുന്ന പ്രക്രിയ നടക്കുകയാണ്.