ശ്രീകണ്ഠപുരം: ശ്രീകണ്ഠപുരത്തെ എ.ടി.എമ്മുകളെ വിശ്വസിച്ചു ഒരുവഴിക്കിറങ്ങിയാല്‍ പണികിട്ടിയതു തന്നെ. ആഘോഷ ദിനങ്ങളില്‍ പ്രത്യേകിച്ച്.
വെറുതെ തുറന്നിടുന്നുവെന്നല്ലാതെ മറ്റൊരു പ്രയോജനവുമില്ല. ഇന്നലെ പെരുന്നാള്‍ സാധനങ്ങള്‍ വാങ്ങാനായി ശ്രീകണ്ഠപുരം നഗരത്തിലെത്തിയവര്‍ ശരിക്കും പെട്ടു. ശ്രീകണ്ഠപുരം നഗരത്തിലെ മിക്ക എ.ടി.എമ്മുകളും പണിമുടക്കി.
പെരുന്നാള്‍ വസ്ത്രങ്ങള്‍ വാങ്ങാന്‍ കുട്ടികളെയും സ്ത്രീകളെയും നഗരത്തിലെത്തിയവര്‍ നിരാശരായി മടങ്ങുന്ന കാഴ്ചയായിരുന്നു എവിടെയും.
മറ്റന്നാള്‍ മാത്രമേ എ.ടി.എമ്മുകള്‍ പ്രവര്‍ത്തിക്കുകയുള്ളൂവെന്നാണ് ബാങ്ക് അധികൃതരുടെ അറിയിപ്പ്. മലയോരത്തിനോടുള്ള കൊടും അവഗണനയാണ് ചില ബാങ്കുകാര്‍ സ്വീകരിക്കുന്നതെന്നാണ്   പരാതി.