ജിദ്ദ: സാമൂഹിക ജീവകാരുണ്യ പ്രവര്‍ത്തന രംഗത്ത് കെ.എം.സി.സി ലോകത്ത് പകരം വെക്കാനില്ലാത്ത പ്രസ്ഥാനമാണെന്ന് മുസ്‌ലീം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ പറഞ്ഞു. റിയാദ് കെ.എം.സി.സി സെന്‍ട്രല്‍ കമ്മിറ്റി നെസ്‌റ്റോ ഹൈപ്പര്‍മാര്‍ക്കറ്റ് ഓഡിറ്റോറിയത്തില്‍ സംഘടിപ്പിച്ച മെഗാ ഈവെന്റ് സീസണ്‍ നാലിന്റെ സമാപന മഹാ സമ്മേളനം ഉദ്ഘാടനം ചെയ്തു സംസാരി ക്കുകയായിരുന്നു തങ്ങള്‍

.

ഇതിനകം ലോക ശ്രദ്ധ നേടിയ സി.എച്ച് സെന്റര്‍, ബൈത്തു റഹ്മ, ശിഹാബ് തങ്ങള്‍ ഡയാലിസിസ് സെന്റര്‍ തുടങ്ങി മുസ്‌ലീം ലീഗിന്റെ നേതൃത്വത്തില്‍ നടന്ന് വരുന്ന എണ്ണമറ്റ ജീവകാരുണ്യ പ്രവര്‍ത്തനങ്ങളുടെ സര്‍വ്വവിധ പിന്തുണയും സാമ്പത്തിക സ്‌ത്രോതസ്സും കെ.എം.സി.സിയാണ്. കുടുംബ സുരക്ഷാ പദ്ധതികള്‍, വിവാഹ, ചികിത്സാ, വിദ്യാഭ്യാസ സഹായങ്ങള്‍ അടക്കം നിരവധി ആശ്വാസ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന കെ.എം.സി.സി ഹജ്ജ് വളണ്ടിയര്‍ സേവന രംഗത്തും നടത്തി വരുന്ന പ്രവര്‍ത്തനങ്ങള്‍ ഏറെ പ്രശംസനീയമാണ്.
രാജ്യത്ത് വര്‍ഗീയ ഫാസിസ്റ്റ് ശക്തികള്‍ക്കെതിരെ മതേതര വിശ്വാസികളുടെ ഐക്യനിര ശക്തിപ്പെടുമെന്നും അതിനായി മുസ്‌ലീം ലീഗ് തങ്ങളുടേതായ ഭാഗധേയം നിര്‍വ്വഹിക്കുമെന്നും തങ്ങള്‍ ചൂണ്ടിക്കാട്ടി. ഐക്യത്തോടെ പ്രവര്‍ത്തിച്ചാല്‍ അതിന്റെ ഫലം സുനിശ്ചിത വിജയമായിരിക്കുമെന്നും മഞ്ചേശ്വരത്തെ തെരഞ്ഞെടുപ്പ് വിജയത്തെ പരാമര്‍ശിച്ച് തങ്ങള്‍ ചൂണ്ടിക്കാട്ടി. സെന്‍ ട്രല്‍ കമ്മിറ്റി പ്രസിഡന്റ് സി.പി.മുസ്തഫ അധ്യക്ഷത വഹിച്ചു. മെഗാ ഈവെന്റ് ചരിത്ര വിജയമായി മാറിയതിന്റെ സന്തോഷം പങ്കിടുന്നതിനായി പ്രത്യേകം തയ്യാറാക്കിയ കേക്ക് മുസ്‌ലീം ലീഗ് അഖിലേന്ത്യാ ജനറല്‍ സെക്രട്ടറി പി.കെ.കുഞ്ഞാലിക്കുട്ടി മുറിച്ചു നേതാക്കളും പ്രവര്‍ത്തകരുമായി പങ്കിട്ടു.
റിയാദ് കെ.എം.സി.സി കര്‍മ്മ പുരസ്‌കാരം സഊദി കെ.എം.സി.സി നാഷണല്‍ കമ്മിറ്റി പ്രസിഡന്റ് കെ.പി.മുഹമ്മദ് കുട്ടിക്കും കര്‍മ്മ ശ്രേഷ്ട പുരസ്‌കാരം സി.എച്ച് മഹ്മൂദ് ഹാജിക്കും കര്‍മ്മ രത്‌ന പുരസ്‌കാരം മുഹമ്മദ് കുട്ടി മാതാപ്പുഴ, മുജീബ് പൂക്കോട്ടൂര്‍, സിദ്ദീഖ് തുവ്വൂര്‍ എന്നിവര്‍ക്കും ബിസിനസ് എക്‌സലന്‍സി അവാര്‍ഡ് ഡോ.അബ്ദുല്‍ മജീദ് ചിങ്ങോലിക്കും കെ.എം.സി.സിയുടെ പ്രത്യേക പുരസ്‌കാരം റാഫി കൊയിലാണ്ടിക്കും തങ്ങള്‍ സമ്മാനിച്ചു. ലീഗ് അഖിലേന്ത്യാ ജനറല്‍ സെക്രട്ടറി പി.കെ.കുഞ്ഞാലിക്കുട്ടി എം.പി മുഖ്യപ്രഭാഷനം നടത്തി.
അഖിലേന്ത്യാ ട്രഷറര്‍ പി.വി. അബ്ദുല്‍ വഹാബ് എം.പി, സംസ്ഥാന ജനറല്‍ സെക്രട്ടറി കെ.പി.എ മജീദ്, കോഴിക്കോട് ജില്ലാ ജനറല്‍ സെക്രട്ടറി എം.എ റസാഖ് മാസ്റ്റര്‍, യൂത്ത് ലീഗ് അഖിലേന്ത്യാ ജനറല്‍ സെക്രട്ടറി സി.കെ സുബൈര്‍, വൈസ് പ്രസിഡന്റ് സയ്യിദ് മു ഈനലി ശിഹാബ് തങ്ങള്‍, എം.എസ്.എഫ് അഖിലേന്ത്യാ വൈസ് പ്രസിഡന്റ് അഡ്വ. ഫാത്തിമ തഹ്‌ലിയ, മഹാരാഷ്ട്ര മുസ് ലീം ലീഗ് ജനറല്‍ സെക്രട്ടറി സി.കെ. അബ്ദു റഹ്മാന്‍, ഖാദര്‍ ചെങ്കള, അഷ്‌റഫ് വേങ്ങാട്ട്, കെ.കെ.കോയാമു ഹാജി, കുഞ്ഞി കുമ്പള, അഷ്‌റഫ് വടക്കേവിള, അബ്ദുറഹ് മാന്‍ മദനി, വി.ജെ നസറുദ്ദീന്‍, നാസര്‍ നെസ്‌റ്റോ, സലീം അല്‍ മദീന, അഹമ്മദ് കോയ ഫ്‌ളീരിയ, മുഹമ്മദ് മുസ്തഫ കാവുങ്ങല്‍ റോയല്‍, ഫൈസല്‍ വടകര എന്നിവര്‍ ആശംസകള്‍ നേര്‍ന്നു.
സുബൈര്‍ അരിമ്പ്ര സംഘടനാ റിപ്പോര്‍ട്ട് അവതരിപ്പിച്ചു. പ്രവാസികള്‍ നേരിടുന്ന വിഷയങ്ങളില്‍ പരിഹാരം കാണണമെന്നാവശ്യപ്പെട്ട് എം.പിമാരായ പി.കെ. കുഞ്ഞാലിക്കുട്ടി, പി.വി അബ്ദുല്‍ വഹാബ് എന്നിവര്‍ക്ക് അബ്ദുല്‍ സലാം തൃക്കരി പ്പൂര്‍, മാമുക്കോയ ഒറ്റപ്പാലം എന്നിവര്‍ നിവേദനം സമര്‍പ്പിച്ചു.