ബഗ്ദാദിയുടെ സഹോദരിയെയും അവരുടെ ഭര്‍ത്താവിനെയും തുര്‍ക്കി സേന ചോദ്യംചെയ്തു വരികയാണ്

അങ്കാറ: ഐ.എസ് തലവന്‍ അബൂബക്കര്‍ അല്‍ ബഗ്ദാദിയുടെ സഹോദരിയെയും കുടുംബത്തെയും പിടികൂടിയതിനു പിന്നാലെ അയാളുടെ ഭാര്യയെയും സിറിയയില്‍ വച്ച് തുര്‍ക്കി സേന പിടികൂടി.
തുര്‍ക്കി പ്രസിഡന്റ് ഉര്‍ദുഗാനാണ് ഇക്കാര്യം അറിയിച്ചത്.
ബഗ്ദാദിയുടെ സഹോദരിയെയും അവരുടെ ഭര്‍ത്താവിനെയും തുര്‍ക്കി സേന ചോദ്യംചെയ്തു വരികയാണ്.
ഇവരില്‍ നിന്ന് ഐ.എസിനെ കുറിച്ച് കൂടുതല്‍ വിവരങ്ങള്‍ നേടാനും കൂടുതല്‍ നേതാക്കന്മാരെ പിടികൂടാനുമാണിത്.
ഒരാഴ്ച മുമ്പാണ് ഇദ്‌ലിബിലെ ഒളിസങ്കേതത്തില്‍ വച്ച് ബഗ്ദാദി യു.എസ് സൈനികനടപടിക്കെതിരേ സ്‌ഫോടകവസ്തു ഉപയോഗിച്ച് ജീവനൊടുക്കിയത്.