ഒറ്റപ്പാലം: മതസൗഹാര്‍ദ്ദം ഊട്ടിയുറപ്പിച്ച സ്‌നേഹ സംഗമം ശ്രദ്ധേയമായി. നബിദിനാഘോഷത്തിന്റെ ഭാഗമായി നെല്ലിക്കുറുശ്ശി മഹല്ല് കമ്മിറ്റിയും എസ്.കെ.എസ്.എസ്.എഫും സംയുക്തമായി നടത്തിയ സ്‌നേഹസംഗമമാണ് ഏറെ ശ്രദ്ധയാകര്‍ഷിച്ച പരിപാടിയായി മാറിയത്.
സ്‌നേഹസംഗമം റിട്ട. ഡി.വൈ.എസ്.പി മുഹമ്മദ് കാസിം ഉദ്ഘാടനം ചെയ്തു, നെല്ലിക്കുറുശ്ശി ക്രെസന്റ് പബ്ലിക് സ്‌കൂള്‍ ഗ്രൗണ്ടില്‍ വെള്ളിയാഴ്ച വൈകുന്നേരം നടന്ന ചടങ്ങില്‍ മഹല്ല് ഖാസി സി മുഹമ്മദ് ഫൈസി അധ്യക്ഷത വഹിച്ചു.
ബഷീര്‍ ഫൈസി ദേശമംഗലം, സ്വാമി ആത്മദാസ് യമി ധര്‍മ്മ പക്ഷ, ഫാദര്‍ ലിവിന്‍ ചുങ്കത്ത് മുഖ്യാതിഥികളായി സംസാരിച്ചു. മുഹമ്മദ് ഹാജിം, മൊയ്തീന്‍ ഹാജി യൂസഫ് ,രാമന്‍ സുരേഷ്, രാമകൃഷ്ണന്‍ സംസാരിച്ചു.